Зу́бин Ме́та

«Википеди» ирĕклĕ энциклопединчи материал
Disambig gray.svg Çак терминăн урăх пĕлтерĕшсем пур, Зубин пăхăр.
Disambig gray.svg Википедире Мета хушаматлă çынсем пирки урăх статьясем пур.
Зу́бин Ме́та
фото
Тĕп хыпар
Çуралнă вăхăт

ака, 29 1936

Çуралнă вырăн

Бомбей Мумбайра, Инди

Професси

дирижёр

Зубин Мета Израиль Филармони оркестрĕпе , Мумбаи, 2008 çул

Зу́бин Ме́та (акăл. Zubin Mehta; ака, 29, 1936, Бомбей çур.) — инди дирижёрĕ.

Кун-çулĕ[тӳрлет]

Мета аристократи инди парси çемьинче çуралнă, ашшĕ — Мели Мета — паллă мусăкçă — сĕрме купăсçă тата дирижёр пулнă. Мета-кĕçĕнни хăй тухтăр пулма шухăшланă, анчах та тепĕртакран урăхла шутласа илсе Вена консерваторине вĕренме кĕрет. Кунта вăл дирижёр ăсталăхне Ганс Сваровски патĕнче пухнă, çав вăхăтрах композицие, контрабас çинче выляма вĕреннĕ. Çав вăхăтрах Сиенри «Чигьяни» мусăк академинче (Итали) А. Гальеропа К. Цекки патĕнче пĕлӳ пухнă, унта вăл Д. Баренбоймпа паллашать, çакна пула Мета Израильпе кăсăкланма тытăнать.

Курса 1958 çулта вĕçлесен, Метана Ливерпульри филармони оркестрĕн дирижёрĕн ассистенчĕ пулса ĕçлеме чĕннĕ, 1960—1967 çç. вăл Монреальри симфони оркестрĕпе тăрмашнă, 1962—1978 çç. Лос-Анджелесри филармони оркестрĕн, 1978—1991 çç. — Çĕнĕ Йоркри филармони оркестрĕн мусăк ертӳçи. 1969 ç. Метана Израиль филармонии оркестрне мусăк консультанчĕ пулма сĕннĕ, 1977 ç. ăна вара мусăк ертӳçи вырăнне йышăнма ыйтаççĕ; Метăн ăнăçлă ĕçне пула ăна 1981 ç. пурнăç тăршшипех ертӳç пулма лартаççĕ. Çав хушăрах, 1998—2006 çç. Мета Бавари патшалăх оперине ертсе пырать.

Мета израиль культуринче паллă вырăн йышăнать. 1991 ç. израиль мусăк культурине чылай ӳсĕм кӳнĕшĕн Метана Израиль патшалăх парнипе тивĕçтернĕ.

Зубин Мета — пысăк та тарăн шухăшлă симфонисене, сăмахран, Брукнерăн, Малерăн, Рихард Штраусăн ĕçĕсене халăх умне илсе тухать. Çаплах вăл пĕрмаях тĕрлĕ паллă акцисене хутшăнать. 1990 ç. Мета виççĕ тенорĕн — Пласидо Доминго, Хосе Каррераса тата Лучано Паваротти — Римра Тенчери футбол чемпионачĕн финалĕ тĕлнелле ирттернĕ пĕрлехи концертĕнче оркестр дирижёрĕ пулнă. 1994 ç. Мета Моцартăн Реквиемне Югослави вăрçисенче аркатнă Сараево наци библиотекин ишĕлчĕкĕсем çинче Сараевăри хорпа оркестăра ертсе пынă. 1999 ç. Мета Малерăн Иккĕмĕш симфонине Бухенвальд наци концлагерĕ çумĕнче иртнĕ концертра Израиль филармони тата Бавари патшалăх оркестрсене ертсе пынă; оркестрсем пĕр-пĕрне хирĕçле вырнаçса вылянă. Мета тăваттă хутчен — 1990, 1995, 1998 тата 2007 çç. — Венăри Çĕнĕ çул концертĕнче оркестра ертсе пынă.

Метан пултарулăх кун-çулĕнчи паллă пайĕсенчен пĕри — Чжан Имоу китай режиссёрĕпе пĕрле хатĕрленĕ Джакомо Пуччинин «Турандот» фильм-опери.

Вуламалли[тӳрлет]

Асăрхавсем[тӳрлет]

Каçăсем[тӳрлет]


Шаблон:Вольф парнин лауреачĕсем (ӳнер)