Качака (выльăх)

Википедири материал

Качака (выльăх) – кавлекенсен йышне кĕрекен йĕкĕр чĕрнеллĕ выльăх. Сурăхсене çывăх тăрать. Кĕлеткипе вăл пысăках мар, пуçĕ кĕске, мăйракисем вăрăм, кашни качака тĕсĕн тĕрлĕ пулать. Аçисен мăйракисем амисеннинчен пысăкрах. Хÿри кĕске, виçкĕтеслĕх евĕрлĕ, ялан тенĕ пекех çĕкленсе тăрать. Хăлхисем вăрăмрах тăсăк, вĕçне шĕвĕрĕлсе пырать. Янах айĕнче сухал пур. Качакасем ту çинче пурнакан чĕрчунсем шутланаççĕ. Çăвна пулах тÿрем вырăнта пурăннă чухне те ăçта та пулин хăпарса кайма тăрăшаççĕ. Апат енчен нимĕн те тиркемеççĕ, йывăç хуппине те кăшлама пултараççĕ. Качакасем хĕл енне ермешеççĕ. Качака такисем ку чухне пĕр-пĕринпе час-часах тытăçаççĕ. Ами хырăмпа 5-6 уйăх çÿрет, çу енне 4 путек тăран пăрамлать. Качакасем ĕрчеве 2 çултан хутшăнаççĕ. Качакасене какайĕпе сиплĕ сĕчĕшĕн тытаççĕ.