Клокотница патĕнчи çапăçу

«Википеди» ирĕклĕ энциклопединчи материал

Клокотница çывăхĕнчи çапăçу1230 çудхи пушăн 9-мĕшĕнче Болгарипе Эпир хушшинче пулса иртнĕ çапăçу. Болгарсем çĕнтернĕ, Балкан çурутравĕнче вĕсен патшалăхĕ чи вăйли шутне кĕме пуçланă.

Хирĕçӳ сăлтавĕ[тӳрлет]

1221-1222 çулсенче II Иван Асень болгар патшипе Феодор Комнин эпир деспочĕ пĕр-пĕринпе килĕшӳ туса Латин империйĕпе кĕрешме калаçса татăлнă пулнă. Вăрçă ăнăçлă иртнĕ — Эпир Фессалоник патшалăхне çĕнсе илсе импери пулса тăнă, Болгарине вара Македони çĕрĕсем (Охридпа пĕрле) лекнĕ. 1228 çулта латин империйĕн патши Роберт де Куртене вилнĕ. II Болдуин ку вăхăт тĕлне ытла пĕчĕк пулнăран импери ĕçĕсене урăххин тытса пымалла пулнă. Ку ĕçе ытларах II Иван Асене шанса парасса кĕтнĕ. Константинополе таврăнас шухăшсем Феодорăн та пулнă, ун ĕмĕтне пурнăçлама чараканни Болгари патшалăхĕ пулнăран 1230 çулăн пуш уйăхĕн пуçламăшĕнче вăл вăрçă пуçланă.

Çапăçу[тӳрлет]

Болгарине çĕнтерес шухăшпа Феодор пысăк çар пухнă — унта анăçран лекнĕ кăралçăсем те пулнă. Çĕнтерӳ ун аллинче пуласса шанса вăл хăйĕнпе пĕрле арăмĕпе ачисене те илнĕ.

Полгар патши ун патшалăхĕ çине тапăнни çинчен пĕлсен ытла пысăк çар пухайман — пурĕ те темиçе пин çеç пуçтарма ĕлкернĕ. Ун çарĕ шутпе кăпчак юланут çарĕ те кĕнĕ. Кăралçăсене пухса çитернĕ хыççăн вăл тӳрех тăшмана хирĕç вĕçтернĕ.

Пушăн 9-мĕшĕнче икĕ çар Клокотница ял çывăхĕнче тĕл пулнă. II Иван ăста çарпуçĕ пулнă — тăшмана сасартăк тапăнса самай пысăк çара аркатма пултарнă. Ун аллине Феодорпа арăмĕ тата ачисем лекнĕ.

Пĕтĕмлетӳ[тӳрлет]

II Иван унăн тыткăнне лекнĕ кăралçăсене пурне те ирĕке янă. Ку унăн чапне самай çĕкленĕ — ун çулĕ çине лекнĕ самай хӳтлĕх çапăçусăр парăнма пуçланă. Çапла май Фракипе Фессалоник хушшинчи çĕрсем, Адрианополь, Дидимотика, Серра хулисемпе пĕрле, Болгарине кĕме пуçланă. Эпир диспотачĕ икĕ патшалăха пайланнă — пĕрин тĕп хули Фессалоникре пулнă, теприн — Артăра.

Феодора II Иван малтах лайăх йышăннă, кайран вара, килĕшĕве пăснăшăн, ăна суккăрлатнă.