Кьянти (эрехтăвакан тăрăх)

Кьянти (итал. Chianti DOCG) - Тоскана облаçĕнче (Итали) вырнаçнă эрехтăвакан паллă тăрăх.

Кун-çулĕ

1716 çулта Козимо III херцăк пĕрремĕш хут Кьянти эрехне епле тумалли саккуна çырнă. 1968 çулта Кьянти DOC категорие, 1994 çулта - DOCG категорие панă.

Иçĕм сорчĕсем

Кьянти эрехне тума хĕрлĕ (Санджовезе - 70 %, Маммоло е Канайоло-15 %) тата шурă (Треббьяно-5 %, Мальвази-5 %) иçĕм сорчĕсемпе усă кураççĕ. 2006 çултанпа шурă иçĕм сорчĕсемпе усă курма юрамасть. Вĕсен вырăнне Каберне совиньона усă курма ирĕк панă.

Кьянти лаптăкĕсем

Кьянти лаптăкĕсем

Кьянти тăрăхĕ саккăр эрехтăвакан лаптăка пайланă:

• Кьянти Классико (Chianti Classoco) - 1996 çулта чикĕсем хунă, DOCG категорие панă;
• Кьянти Руфина (Chianti Rufina);
• Кьянти Колли Фьорентини (Chianti Colli Fiorentini);
• Кьянти Колли Аретини (Chianti Colli Aretini);
• Кьянти Колли Сенези (Chianti Colli Senesi);
• Кьянти Коллине Пизане (Chianti Colline Pisane);
• Кьянти Монтальбано (Chianti Montalbano);
• Кьянти Монтеспетроли (Chianti Montespetroli).

Эрех тăвакан паллă хуçалăхсем

Antinori, Frescobaldi, Felsina.