Лаккадив тинĕсĕ

Лаккадив тинĕсĕ (акăл. Laccadive Sea) — Инди океанĕ хĕрринче вырнаçнă тинĕс. Вăл Индостан çурутравĕн кăнтăр-хĕвеланăç пайĕпе Шри Ланка, Лаккадив тата Мальдив утравĕсем хушшинче сарăлса выртать.

Тавралăх

Тинĕс лаптăкĕ 786 пин çх², вăтам тарăнăш — 1929 м, чи тарăн вырăн — 4131 м. Çурла уйăхĕнчи шыв температури — 26-28 °С, хĕлле — 25 °С ăшă. Тăварлăхĕ — 34‰ (çурçĕрте, варринче) пуçласа 35,5‰ (кăнтăрта) таран.

Кăнтăрти чи енçетри вырăн — Адда атоллĕ.

Çыран хĕрри патĕнчи тĕпĕ хăйăрлă, тарăнрах вырăнта — акшуллă юшкăн.

Портсем

Тинĕс хĕрринчи портсем: Туттукуди, Мангалуру (Инди), Коломбо (Шри Ланка).

Çавăн пекех пăхăр

• Саккăрмĕш градус тинĕс пырĕ
• Тăххăрмĕш градус тинĕс пырĕ
• Вуннăмĕш градус тинĕс пырĕ

Инди океанĕ шутне кĕрекен тинĕссем
Андаман | Арави | Арафур | Бенгали кӳлмекĕ* | Лаккадив | Перс кӳлмекĕ* | Тимор | Хĕрлĕ   * — гидрологи, гидрохими тата ытти ăслăлăх пайсем вĕсене тинĕс шутне кĕртеççĕ