Хĕрлĕ Чутай районĕ

Хĕрлĕ Чутай районĕ

Герб Ялав (ăнлантарни)
Патшалăх	Раççей
Статус	муниципаллă район
Кĕрет	Чăваш Ен
Тытăмĕ	10 муниципаллă йĕркеленӳ
Администраци центрĕ	Хĕрлĕ Чутай чиркӳ ялĕ
Йĕркеленĕ вăхăт	1927, авăн, 5
Район администрацин пуçлăхĕ	Башкиров Александр Викторович
Пурăнан халăх (2010)	19 788 çын (14-мĕш вырăн
Йышлăх	29,2 çын/çм²
Лаптăк	691,6 çм² (14-мĕш вырăн)
Вăхăт тăрăхĕ	MSK (UTC+4)
Телефон кочĕ	+7 83557
Почтă индексĕсем	429240
Официаллă сайт

Хĕрлĕ Чутай картти

Хĕрлĕ Чутай районĕ, — Чăваш Енĕн çурçĕр-анăç енче вырнаçнă район. Лаптăкĕ — 691,6 км², çурçĕр енчен кăнтăралла тата анăç енчен тухăç еннелле 36 çухрăма тăсăлнă. Хĕвел анăç енче Сар юханшывĕ тăрах Чулхула облаçĕпе чикĕ иртет. Çурçĕр енче Етĕрне районĕ, тухăç енче — Элĕк районĕ, кăнтăр енче Çĕмĕрле районĕ вырнаçнă.

Район администрацийĕ Хĕрлĕ Чутай салинче вырнаçнă. Районăн периодикăллă кăларăмĕ — Пирĕн пурнăç хаçат.

Çутçанталăк

Район чăваш плато çинче вырнаçнă. Район варрипе çурçĕн енĕпе пĕчĕк юханшывсемпе çырмасемпе нумай тĕл пулаççĕ.

Çĕр айĕнчи пурлăхсенчен кунта хăйăр, кирпĕч тума юрăхлă суглиноксем тĕл пулаççĕ.

Кăрлач уйăхĕн вăтам температури -12,2°С танлашать, утă уйăхĕнче — 18,7 °C. Чи сивĕ температурăна кунта -44 °C паллă тунă, чи ăшшине — 37 °C. Çул тăршшĕпе 492 мм юр-çумăр çăвать.

Районăн 33% вăрмансем йышăнаççĕ. Ытларах пайĕпе кунта юман (55%), вĕрене, каврăç, ильм тĕл пулать.

Халăх йышĕ

Районта 1999 çул пуçламăшĕнче 22,7 пин çын пурăннă. Районта пурĕ 70 ял, вĕсенче вăтамран 354 çын пурăнать. Халăхсенчен ытларах пайĕ чăвашсем — 97%.

Административлă пайлану

• Акчикасси ял тăрăхĕ
• Атнар ял тăрăхĕ
• Кивĕ Атикасси ял тăрăхĕ
• Мăн Этмен ял тăрăхĕ
• Пантьăк ял тăрăхĕ
• Питĕркасси ял тăрăхĕ
• Тралькасси ял тăрăхĕ
• Хĕрлĕ Чутай ял тăрăхĕ
• Хусанушкăнь ял тăрăхĕ
• Штанаш ял тăрăхĕ

Район гимнĕ

Хĕрлĕ Чутай районĕн гимнĕ "Чечеклен,Чутай Ен" сăввине Петĕр Ялкир çырнă, кĕввине - Фёдоров П.

Паллă çыннисем

• Важоров Валерий Афанасьевич, флейтист, дирижёр, вĕрентӳçĕ, профессор.
• Данилов Анатолий Васильевич, ӳнерçĕ.
• Дмитриева Юлия Александровна, хор дирижёрĕ.
• Караттай Иван Михайлович, чăваш сăвăçĕ.
• Лебедев Василий Иванович, чăваш чĕлхи тĕпчевçи.
• Логинов Алексей Романович, Совет Союзăн Паттăрĕ.
• Некей (Михаил Иванов), чăваш халăх кĕрешӳçи.
• Оринов Вячеслав Николаевич, театр режиссёрĕ.
• Сандомирова Венера Николаевна, ӳнерçĕ.
• Элле Николай Алексеевич, Чăваш Енре театрсене йĕркелекенĕ.
• Ялкир Пётр Алексеевич, сăвăç, тăлмач, журналист.

Çавăн пекех пăхăр

• Хĕрлĕ Чутай районĕн ялĕсем
• Хĕрлĕ Чутай районĕн гербĕ

Каçăсем

• Хĕрлĕ Чутай районĕ картара