Хитекушкăнь

	|
Гербĕ	Ялавĕ
Хитекушкăнь
Патшалăх	Раççей Федерацийĕ
Республика	Чăваш Республики
Район	Элĕк районĕ
Ял тăрăхĕ	Тавăт ял тăрăхĕ
Лаптăк	км²
Халăх йышĕ	175 (2006)
Йышлăхĕ	/км²
Телефон префиксĕ	+7 83535
Почта индексĕ	429240
Геогр. широти	55°42′ 45′′ Ç/N
Геогр. долготи	46°38′ 40′′ Т/E
Вăхăт тăрăхĕ	UTC+3, çулла UTC+4
ОКАТО (код)	97 205 873 001

Хитекушкăнь, — Чăваш Енри Элĕк районĕнчи ял. Тавăт ял тăрăхĕнче шутланать.

Этимологи

Ял ячĕ Хитек ойконим çумне "ушкăнь" топоформант хушăнса пулнă.

"Пирĕн яла ĕлĕкех Хитек тенĕ. Кунта чи малтан Хитек ятлă çын куçса килнĕ тет. Унăн 3 ывăл пулнă: Йăхти, Йăхатни, Йăрлак." (87 çулхи А. Марков каланине 1946 çулта А. С. Канюкова çырса илнĕ.)

Халăх йышĕ, ял тытăмĕ

Ялта 175 (2006) çын пурăнать. Икĕ урам — Çыран хĕрри, Ленин урамĕсем.

Иртнĕ ĕмĕрте

1859 çулта Хитекре 33 кил, 78 арçынпа 77 хĕрарăм пурăннă. 1907 çулта — 379 çын, 1926 çулта 86 килте 407 çын пурăннă.

Кун-çулĕ

1927 çулчен Етĕрне уесĕн Элĕк вулăсне кĕнĕ. 1927 çулхи юпа уйăхĕн 1 хыççăн Элĕк районне, 1962 çулхи раштав уйăхĕн 20 хыççăн Варнар районне кĕнĕ. 1965 çулхи пуш уйăхĕн 14 хыççăн хальхи вăхăтчен Элĕк районне кĕрет.

Паллă ентешсем

• Андреев Иван Андреевич, - чăваш чĕлхи тĕпчевçи.
• Ванин Фёдор Евграфович, - чăваш сăвăçи.
• Иванов Валериан Иванович, - педагогика ăслăхĕсен кандидачĕ.
• Канюкова Александра Семёновна, - филологи ăслăхĕсен кандидачĕ.
• Криков Аркадий Максимович — техника ăслăхĕсен тухтăрĕ.
• Марков Анатолий Семенович, - Чăваш Енĕн тава тивĕçлĕ вĕрентӳçи.
• Марков Борис Семёнович, - чăваш халăх артисчĕ, режиссёр.
• Скворцова Матрена Степановна, - Чăваш Енĕн тава тивĕçлĕ вĕрентӳçи.
• Степанов Михаил Степанович, — Социаллă Ӗç Паттăрĕ.
• Филиппова Дарья Семёновна, - педагогика ăслăхĕсен кандидачĕ.

Вуламалли

• Л. И. Ефимов, "Элĕк Енĕ", Элĕк, 1994.
• "Аликовская энциклопедия", редколлегия: Ефимов Л.А., Ефимов Е.Л., Ананьев А. А., Терентьев Г. К., Шупашкар, 2009, ISBN 978-5-7670-1630-3.

Каçăсем

• Тавăт ял тăрăхĕн сайчĕ