Чарăну палли

Чарăну палли — çырăлăх элеменчĕ, ăна текстра, предложенире, сăмахсенче, сăмахçаврăнăшĕсенче пĕр-пĕр пая тепринчен уйăрма усă кураççĕ.

Чарăну паллисен тĕсĕсем

Хальхи чылай çырулăхра чарăну паллисене çакăн валли усă кураççĕ:

• текстра тĕл пулакан тулли шухăша, çав шутрах эмоципе шухăш вĕçлевĕн шайне шута илсе, тепринчен уйăрма (пăнчă, кăшкăру тата ыйту палли, нумай пăнчă);
• предложени пайĕсен пĕр-пĕрин хушшинчи пăхăнăвне кăтартма (пăркăч, пăркăчлă пăнчă, икĕ пăнчă, тире);
• сăмаха ăнлав тăрăх пайлама (дефис);
• цитатăсемпе тӳрĕ пуплеве палăртма (кавычка);
• сиктерсе хăварнă текста кăтартма (нумай пăнчă);
• кĕскетнĕ сăмаха кăтартма (пăнчă, дефис, тайлăк палли);

Чарăну паллисем хушшинче мăшăрлисем тĕл пулаççĕ: пĕр-пĕр пуплев пайне палăртма усă курнă икĕ пăркăч, скобка, кавычка.

Чăваш чĕлхинче

Чăваш чĕлхинчи чарăну паллисем вырăс çырулăхĕнчен кĕнĕ, çавна пула вĕсем вырăс чĕлхинчи йĕркене пăхăнаççĕ.

Çавăн пекех пăхăр

• Пунктуаци