Дрейк танлашăвĕ

Фрэнк Дрейк

Дрейк танлашăвĕ, е Дрейк формули, — Галактикăра, этемлĕхĕн вĕсемпе контакта кĕме май пур тĕлте, Çĕр тулашĕнчи цивилизацисен шутне пĕлмелли формула. Ăна Фрэнк Дональд Дрейк доктор (Калифорнири Санта-Крус университетăн астрономи тата астрофизика профессорĕ) 1960-мĕш çулта кăларса тăратнă:

$N=R\cdot f_{p}\cdot n_{e}\cdot f_{l}\cdot f_{i}\cdot f_{c}\cdot L,$

кунта:

$N$ — контакта кĕме хатĕр ăстăнлă цивилизацисен шучĕ;

$R$ — пирĕн галактикăра çулталăк хушшинче çуралакан çăлтăрсен шучĕ;

$f_{p}$ — планетăллă тата Хĕвел евĕрлĕ çăлтăрсен пай-шайĕ;

$n_{e}$ — цивилизацисем çуралма юрăхлă малсăлтасемлĕ планетăсен (тата çулташсен) вăтам шучĕ, — планетăллă кашни çăлтăр тĕлĕшпе;

$f_{l}$ — юрăхлă малсăлтавсемлĕ планетăра пурнăç çуралассин пулаяслăхĕ;

$f_{i}$ — пурнăç пур планетăра çав пурнăçăн ăстăнлă хаписем çуралассин пулаяслăхĕ;

$f_{c}$ — контакта хатĕр тата ăна шыракан ăстăнлă пурăнавçăсемлĕ планетăсен шутне çавнашкал пурăнавçăсемлĕ планетăсен шучĕ çине пайлани;

$L$ — ăстăнлă пурнăç пуррин, контакта хатĕррин, ун пирки ĕмĕтленнин вăхăчĕ.

Альтернатилă формула та пур (ансатлатсан, малтанхипе эквивалентлăскер):

$N=N^{*}\cdot f_{p}\cdot n_{e}\cdot f_{\ell }\cdot f_{i}\cdot f_{c}\cdot L/T_{g},$

кунта:

$N^{*}$ — пирĕн галактикăри çăлтăрсен шучĕ;

$T_{g}$ — пирĕн галактикăн пурнăçĕн тăршшĕ.

Ĕнтĕ $L$ капа $T_{g}$ çине пайлани контактлавçă-цивилизаци пирĕннипе пĕр вăхăтра пурăннине кăтартать.