Николаев Василий Семёнович

	Василий Семенович Николаев
Çуралнă вăхăт	1907 çул, ака, 3
Çуралнă вырăн	Тапканчă ялĕ, Чекмагуш районĕ, Пушкăртстан
Вилнĕ вăхăт	1995 çул, юпа, 23
Вилнĕ вырăн	Банново, Крапивино районĕ, Кемер облаçĕ
Çар ăрачĕ	пехота
Хĕсмет çулĕсем	1941-
Хисеп	Касăри
Чаç	3-мĕш Украина фрончĕн 28-мĕш Çарĕн 2-мĕш гварди механизациленнĕ корпусĕн 5-мĕш гварди механизациленнĕ бригади
Çапăçусем/вăрçăсем	Иккĕмĕш Тĕнче вăрçи

Николаев хушаматлă урăх çынсем çинчен Википедире статьясем пур.

Николаев Василий Семенович - Совет Союзĕн Паттăрĕ, пулеметчик, гварди рядовой, чăваш.

Пушкăрт республикин Чекмагуш районĕнчи Тапканчă ялĕнче çуралнă. Пуçламăш шкул пĕтернĕ. 1930-1940-мĕш çулсенче Кемĕр облаçĕн Крапивино районĕнчи "Юность" колхозра бригадир пулса ĕçленĕ. Каярах Çурçĕр Осетинчи Алагир хулинче пурăннă. Унтан 1941-мĕш çулхи çĕртме уйăхĕнче Хĕрлĕ Çара кайнă. 3-мĕш Украина фрончĕн 28-мĕш Çарĕн 2-мĕш гварди механизациленнĕ корпусĕн 5-мĕш гварди механизациленнĕ бригадин пулеметчикĕ. 1944-мĕш çулхи пуш уйăхĕн 10-мĕшĕнче (Днепр (юханшыв)каçса тăшманăн атакисене пусарма тата унăн вут точкисене пусмăрласа ытти подразделенисене юханшыв урлă каçма май тумалла. Приказа пурнăçланă май Николаев рядовой хăй сулă туса Днепр урлă каçса пулеметне вырнаçтарса тăшмана икĕ сехет хушши çыран патне ямасть, çав вăхăтра вăтăр ытла тăшмана пĕтерет. Кайран çитнĕ батальонпа пĕрле Херсон облаçĕн Берислав хулине малтанхисен хушшинче тапăнса кĕрет, пулеметпа персе батальона пулăшать. Вăрçă хыççăн Кемер облаçĕн Крапивино районĕнчи Банново ялгне таврăнать.

Чысĕсем

Совет Союзĕн Паттăрĕ № 5972 (03.06.1944);
Ленин орденĕ;
Тăван çĕршыв вăрçин орденĕ (1 шай)

Асăрхавсем

Вуламалли

Герои Советского Союза. Краткий биографический словарь. Том 2. М.: Воениз., 1988
За нашу Совегскую Родину. Орджоникидзе, 1957.
Муриев Д.З. Осетии отважные сыны. - Орджоникидзе: Северо-Осетинское изд., 1974
Подвиги их - бессмертны. - Уфа: Китап, 2000.
Славные сыны Башкирии. Книга 4. Уфа, 1979