Сăмахсар
Сăмахсар, — чĕлхери сăмах йышне çырса кăтартакан кĕнеке. Синонимлă терминсем: словарь, сăмах пуххи, сăмах кĕнеки, лексикон, глоссарий.
Компьютер техники аталланнă май электронлă тата онлайн словарьсем вăйлă сарăлаççĕ.
Лингвистика сăмахсарĕсем
[тӳрлет | кодне тӳрлет]
Сăмахсарсене икĕ пысак ушкăна уйăраççĕ: лингвистика, е чĕлхе сăмахсарĕсем тата энциклопедиллĕ сăмахсарсем.
Лингвистика сăмахсарĕсем сăмах пĕлтерĕшне, унăн грамматика паллине, мĕнле çырмалли-каламаллине тата ыттине те çырса кăтартаççĕ, урăхла каласан сăмахсарĕн ку тĕсĕ сăмахпа çыхăннă, вĕсен тĕп объекчĕ сăмах шутланать.
Тĕллевне кура лингвистика словарĕсем тĕрлĕрен пулаççĕ:
- куçару,
- тӳнтер,
- ăнлантаруллă,
- терминологи,
- орфографи,
- орфоэпи,
- этимологи,
- фразеологи,
- синонимсемпе омонимсен,
- антонимсен словарĕсем.
Вырăнти калаçу сăмахĕсен сăмахсарĕсем те пур.
Лингвистика сăмахсарĕсен материалне пĕр чĕлхепе те, темиçе чĕлхепе те çырса кăтартаççĕ. Ик чĕлхепе çырнă сăмахсарсен шутне куçару сăмахсарĕсем кĕреççĕ, тĕслĕхрен, чăвашла-вырăсла, вырăсла-чăвашла словарьсем. Тӳнтер сăмахсар, ăнлантаруллă сăмахсар, орфографипе орфоэпи сăмахсарĕсем — пĕр чĕлхе словарĕсем.
Энциклопедиллĕ сăмахсарсем
[тӳрлет | кодне тӳрлет]Энциклопедиллĕ сăмахсарсен шутне тĕрлĕ япаласемпе пулăмсене, ĕçсемпе пулăмсене, тĕрлĕ ăнлавсене ăнлантарса паракан сăмахсарсем кĕреççĕ. Ку йышши сăмахсарсене япала ячĕсене тата япала ячĕллĕ сăмах майлашăвĕсене (япала ятне ăнлантаракан сăмахсемпе пĕрле), пайăр ятсене кĕртеççĕ. Энциклопедиллĕ сăмахсарсенче тĕрлĕ иллюстрацисем (ӳкерчĕксем, таблицăсем, диаграммăсем) параççĕ.
Чăваш энциклопедиллĕ сăмахсарсем шутне «Моргаушский район. Краткая энциклопедия», «Писатели Чувашии» энциклопедиллĕ сăмахсарсем кĕреççĕ.
Çав. пекех
[тӳрлет | кодне тӳрлет]- Чăваш сăмахсарĕсем
- Энциклопеди
- Электронлă сăмахсар
- Онлайн-сăмахсар
- Юридици сăмахсарĕ
- Эмоци сăмахсарĕ
- Квятковскин поэзи сăмахсарĕ
Асăрхавсем
[тӳрлет | кодне тӳрлет]Литература
[тӳрлет | кодне тӳрлет]- Вомперский В. П. Словари XVIII века / Яв. ред. - СССР ĂА корр.-пайташĕ Н. И. Толстой: Рецензенты: Т. Г. Винокур, В. В. Лопатин; Институт русского языка АН СССР. — М.: Наука, 1986. — 6000 экз. (хупл.)
- Лисовский Н. М., Словарь // Энциклопедический словарь Брокгауза и Ефрона: В 86 томах (82 т. и 4 доп.). — СПб.: 1890—1907.
- Словари и словарное дело в России XVIII в.. — Л.: Наука. Ленингр. отд-ние, 1980.
Каçăсем
[тӳрлет | кодне тӳрлет]- Институт лингвистических исследований — Основные труды группы «Словаря русского языка XVIII века» 2017 ҫулхи Юпа уйӑхӗн 10-мӗшӗнче архивланӑ.
- Чăвашла-вырăсла сăмахсар