Суец каналĕ

«Википеди» ирĕклĕ энциклопединчи материал
Суец каналĕ

Суэц каналĕ, — 163 çухрăм тăршĕллĕ Синай çурутравĕнчен хĕвеланăç енелле вырнаçнă канал. Канал Египетра Вăтаçĕр тинĕсĕ хĕрринчи Порт-Саид тата Хĕрлĕ тинĕс хĕрринчи Суец хулисем хушшинче вырнаçнă. Канал тăрăх Европăпа Ази хушшинчи çула Африка йĕри тавра çаврăнмасăр çыхăнтарать. Канала уçиччен Азипе Европа хушшинчи суту-илӳве ертсе пымашкăн пĕр çыран хĕрринче тавара пушатнă та типçĕр тăрăх тепĕр çыран таран йăтнă.

Истори[тӳрлет]

Канала чавас тесе Наполеон та ĕмĕтленнĕ. Франци тĕпчевçисем тĕрĕс мар шутланă пирки (вĕсем шыв Вăтаçĕрпе Хĕрлĕ тинĕссен шыв шайĕ расна тесе шутланă) ку шухăш пурнăçланман.

Канала 11 çул хушши чавнă. Чавас ĕçе Египетри чухăнсене явăçтарнă. 1869 çулхи чӳк уйăхĕн 17-мĕшĕнче канал уçăлнă.