Ылтăн çĕмĕ

Ылтăн çĕмĕ - Вăтам Раççейри çулçӳреçĕсен паллă маршручĕ. Тăршшĕ - 1 пинрен ытла çухрăм. Ылтăн çĕмĕне виççĕ пая уйăраççĕ:

• Атăл : Калязин - Углич - Рыбинск - Тутаев - Ярославль - Кострома;
• Хĕвеланăç : Сергиев Посад - Александров - Переславль-Залесский - Юрьев-Польский - Ростов;
• Тĕп: Улатимĕр - Боголюбово - Мурăм - Суздаль - Иваново - Шуя - Плёс.

Ылтăн çĕмĕ çул йышне кĕрекен хуласен шучĕ сарăлса пырать. Паян ку çулăн "тĕп хули", "карти" - Улатимĕр.

Никĕслени кун-çулĕ

1960-мĕш çулсемче Пĕтĕм Раççейри культура тата истори палăкĕсен управ пĕрлĕхĕн ( ВООПИК ) çулçӳревçĕсен çĕнĕ çулне йĕркелеме шутланă. Вăтам Раççейре кивелнĕ çуртсемпе палăксене çĕнĕлетми пысăк ĕçĕ пуçланă.

Паллă вырăнсем, палăксем, çурт-йĕр

Троица Сергий лаври

• Улатимĕр : Успени соборĕ ( 1158 ), Дмитриевски собор ( 1194 ), Ылтăн хапха (1158), Улатимĕр хулана никĕслени 850 çул тултарни палăкĕ (1960), Троица чиркĕвĕ

(1740), А. Невскин палăкĕ;

• Суздаль: Турă Амăшĕн Çуралнин Соборĕ (1222), Архиерей керменĕ (15 ĕмĕр);
• Сергий Посачĕ: Троица Сергий лаври;
• Ростов: Кремль;
• Углич: Дмитри "юн çинче" чиркӳ (1683), Алекçей манастăрĕ (1371);
• Ярославль: Иоанн Златоуст чиркĕвĕ (1649), Турă Çуралнин чиркĕвĕ, Н.А.Некрасов палăкĕ (1958);
• Кострома : Ипати манастăрĕ ( 1435 ), Илья Пӳлĕхçĕн чиркĕвĕ, Иван Сусанин палăкĕ (1967).