Данилов Николай Фёдорович (çыравçă)

Данилов Николай Фёдорович, — критик, халах пултарулăхне пухакан. 1901 çулхи раштавăн 10 Чĕмпĕр хулинче çуралнă. 1969 çулхи кăрлачăн 28 Шупашкарта вилнĕ.

1934 çултанпа СССР ÇП членĕ. Чăваш АССРĕн тава тивĕçлĕ ӳнер ĕçченĕ.

«Хĕрлĕ Çăлтар» орденне, медальсене тивĕслĕ пулнă.

Пурнăçĕ

Чĕмпĕрти чăваш вĕрентекенĕсен шкулĕнче, вĕрентекенсен семинариĕнче, Халăх çут-ĕç институчĕнче вĕреннĕ. Тăван Çĕршывăн Аслă вăрçине хутшăннĕ.

«Сунтал» журнал редакциĕн секретарĕ, «Канаш» хаçатăн редакторĕн çумĕ пулса ĕçленĕ. Чăваш ăслăлахпа тĕпчев институчĕнче ĕçленĕ.

Ĕçĕсем

К. Ивановăн, Çеçпĕл Мишшин, И. Яковлевăн, Яков Ухсайĕн, К. Турханăн тата ыттисен пултарулăхĕ çинчен статьясем çырнă.

Ытти халăхсен çыравçисен ĕçĕсене чăваш чĕлхи çине куçарнă.

Вăл пухнă халăх пултарулăхĕсем темçе кĕнекере пичетленсе тухнă:

• «Чувашские и народные сказки» (чăваш тата халăх юмахĕсем, 1949);
• «Сказки и предания чувашей» (чăвашсен юмахĕсемпе халапĕсем, 1963);
• тата ыттисенче.