Алакĕр Ваçлейĕ

Алакӗр Ваҫлейӗ
Çуралнă вăхăт:	1906 çулхи кăрлач, 5
Çуралнă вырăн:	Тосинкасси ялĕ, Шупашкар уесĕ, Хусан кеперни (халĕ Чăваш Ен Шупашкар районĕ)
Ĕçлев тĕсĕ:	чăваш прозăçĕ, драматургĕ, тăлмачĕ, тишкерӳçи
Ĕçсен чĕлхи:	чăваш
Чыславсем:	Чăваш АССР тава тивĕçлĕ культура ĕçченĕ

Алакӗр Ваҫлейӗ (вырӑсла — Алагер Василий Осипович, паспортра — Осипов), (1906 çулхи кăрлачăн 5-мĕшĕ Шупашкар уесĕн (халĕ Чăваш Енĕн Шупашкар районĕ) Тосинкасси ялĕ — 1988 çулхи кăрлачăн 17-мĕшĕ, Шупашкар) — чăваш прозăçĕ, драматургĕ, тăлмачĕ, тишкерӳçи. Горький ячӗллӗ литература институтне вӗренсе пӗтернӗ.

Хушамачӗ

Ун вӑхӑчӗпе евӗрлӗ ашшӗн ятне хушаматра усӑ курнӑ, ҫавӑнпа ун паспортра Осипов. Чӑваш хушамачӗ Алакӗр, 1930 ҫулта «Пулас ҫӗнӗ ял» (Пулас ҫӗнӗ йал) Алакӗр Вӑҫлейӗ курма пулать. 1948 ҫулти «Икӗ юлташ» кӗнекинче В.О. Алагер тӑрать.

СССР ÇП пайташĕ (1949 ç.), Чăваш АССР тава тивĕçлĕ культура ĕçченĕ (1981 ç.).

Пурнăçĕ

1906 çулхи кăрлачăн 5-мĕшĕнче Шупашкар уесĕн (халĕ Чăваш Енĕн Шупашкар районĕ) Тосинкасси ялĕнче çуралнă.

Ялти чиркӳ прихучĕн шкулĕнче, Çĕрпӳри икĕ класлă шкулта вĕреннĕ. «Сунтал» тата «Ялав» журналĕсенче ĕçленĕ. «Тăван Атăл» журналăн редакторĕ пулнă. Тăван Çĕршывăн Аслă вăрçине хутшăннă. Тăван Çĕршывăн Аслă вăрçин 2 степеньлĕ орденпа мелальсене тивĕçлĕ пулнă.

Пултарулăх ĕçĕсем

Пулас ҫӗнӗ ял. 1930 ҫул. Кӗнеке хуплашки.

Икӗ юлташ. Алакӗр Ваҫлейӗ. 1948 ҫул. Кӗнеке хуплашки

Унăн пичĕтленсе тухнă кĕнекисем:

• «Пулас çĕнĕ ял» (1930);
• «Паттăр Çапук» (1931);
• Кахал (1934);
• Икĕ юлташ (1948);
• «Çул юппинче» (1961);
• «Тăван литература пирки» (1963);

Çавăн пекех чăваш чĕлхи çине М. Горький, А. Чехов, М. Шолохов, К. Тренев, А. Серафимович, Н. Гоголь авторсен ĕçĕсене куçарнă.

Каçăсем

• «За Родину» 2006 ҫулхи выставки (вырӑсла), Алакер ҫинчен каласа парать
• Чӑваш энциклопеди, enc.cap.ru, вырӑсла
• Галерея памяти. 105 лет со дня рождения Василия Алагера