Емельянов Анатолий Викторович

Анатолий Емельянов
Çуралнă вăхăт:	1932, кăрлач, 10
Çуралнă вырăн:	Мăньял Хапăс ялĕ, Вăрнар районĕ, Чăваш АССР, РСФСР, СССР.
Ĕçлев тĕсĕ:	чăваш прозăçĕ, публицисчĕ
Ĕçсен чĕлхи:	чăваш

Емельянов хушаматлă урăх çынсем çинчен Википедире статьясем пур.

Емельянов Анатолий Викторович (Мăньял Хапăс ялĕ, Вăрнар районĕ, Чăваш АССР, РСФСР, СССР — ), — чăваш прозăçĕ, публицисчĕ.

Чăваш халăх çыравçи (1990), СССР ÇП пайташĕ (1966).

Халăхсен туслăхĕн тата Ӗçлĕх Хĕрлĕ Ялав орденĕсене тивĕçлĕ пулнă.

Пурнăçĕ

1932 çулхи кăрлачăн 10-мĕшĕ Чăваш Енĕн Вăрнар районĕнчи Мăньял Хапăс ялĕнче çуралнă.

Вăрнар зооветтехникумĕнче, Ленинградра партин аслă шкулĕнче, Мускаври литературăн аслă курсĕнче (журналистики факултечĕ) пĕлӳ пухнă. Çарта хĕсметре тăнă. Партин Вăрнар райкомĕн пĕрремĕш секретарĕ (1965-1972), Чăваш АССР культура министрĕ (1972-1973), Чăваш АССР çыравçăсен пĕрлешĕвĕн правленин председателĕ (1978-1986) пулса тăрăшнă.

Пултару ĕçĕсем

Малтанхи сăвви 1949 çулта район хаçатĕнче пичетленнĕ. «Кăмăл» ятлă калавĕ 1957 çулта «Çамрăк коммунист» хаçатăн виççĕмĕш номерĕнче кун курнă.

Калавсем, хайлавсем, романсем çырать: "Канăçсăр çуркунне" (1960),"Кăвайт çутисем" (1960),"Çавал сарăлсан" (1966),"Катăлнă уйăх" (1968),"Чапшăн пурăнмастпăр" (1971),"Шăнкăрав курăкĕ" (1975),"Хура кăрăç" (1981),"Кĕмĕл çил" (1985). «Шăнкăрав курăкĕ» повеçшĕн Çеçпĕл ячĕллĕ (1975), «Ят» тата «Ватă ăшши» кĕнекесемшĕн Иванов ячĕллĕ (1990) премине тивĕçнĕ. Пурĕ 30 ытла кĕнеке тухнă. Çурри вырăсла тухнă: "Кузьма Овражный" (1978),"Герасим-золотоискатель" (1986),"Перевёртыш" (1996),"Год-тринадцать месяцев". Çыравçă кун-çулпа тан пыма тăрăшать. Публицистика статьисене çырать. Нумай пулмасть «Юлашки çыран» романа хайланă.

Вулакансем çак кĕнекесене вулама юратаççĕ:

• «Çавал сарăлсан» (1966);
• «Хура кăрăç» (1981);
• «Кĕмĕл çил» (1985);

Каçăсем

• Емельянов А.В. — Çĕнтерӳ çулĕ хаçатри статья, 2008-04-09
• Анатолий Емельянов хайлавĕсем
• Куславкка сайчĕ