Нестерова Зоя Алексеевна

Зоя Нестерева
Çуралнă вăхăт:	1926 çулхи кăрлачăн 2-мĕшĕ
Çуралнă вырăн:	Анат Кушар ялĕ, Красноармейски районĕ, Чăваш АССР
Гражданлăх:	ССРП
Ĕçлев тĕсĕ:	сăвăç
Ĕçсен чĕлхи:	чăваш

Нестерева Зоя Алексеевна, (1926 çулхи кăрлачăн 2-мĕшĕнче Чăваш Енĕн Красноармейски районĕнчи Анат Кушар ялĕнче çур.) — чăваш сăвăçи, çыравçи.

1991 çултанпа Раççей ÇП пайташĕ.

Пурнăçĕ

1926 çулхи кăрлачăн 2-мĕшĕнче Чăваш Енĕн Красноармейски районĕнчи Анат Кушар ялĕнче çуралнă.

Упири вăтам шкулта, Чăваш патшалăх институчĕнче вĕреннĕ. Комсомольски районĕнчи Чурачăкри тата Красноармейски районĕнчи Упири вăтам шкулсенче ачасене вырăс чĕлхипе литературине вĕрентнĕ. 1957 çулта Зоя Алексеевна пурнăç çулĕ Магадан облаçне илсе çитернĕ. Ягодное (Çырлаллă) ятлă район тĕпĕнче çирĕм çул хушши ачасене вырăс чĕлхипе литературине вĕрентнĕ. Пенсие тухсан кил-йышĕпе Чăваш Ене таврăннă.

Ӗçĕсем

Унăн çак кĕнекесем пичетленсе тухнă:

• «Пĕрмĕш юрату» (1957);
• «Чее мулкач» (1984);
• «Ванюш курнă тĕлĕнтерĕшсем» (1987);
• «Ылтăн пĕрчисем» (1991);
• «Арçынсем те макăраççĕ» (роман, 2003).

Вуламалли

• Ялгир, П. Нестерова Зоя Алексеевна / П. Ялгир // Литературный мир Чувашии / П. Ялгир. – Чебоксары, 2005. – С. 77.

Каçăсем

• Нестерова Зоя Алексеевна (Чӑваш Ен литература картти)
• Света Петрова: Нестерова Зоя пултарулӑхӗ, chuvash.org
• Чăваш республикин наци вулавăшĕ Нестерова çинчен (вырӑсла)
• Чӑваш энциклопедийӗ Нестерова ҫинчен (вырӑсла)