Кастамону: различия между версиями

Перейти к навигации Перейти к поиску
17 байт добавлено ,  13 лет назад
п
Нет описания правки
(Çĕнни: Турци Республикинчи Кастамону облаçĕнче (вилаетĕнче) çулсеренех Тĕрĕк Тĕнчин кунĕсем иртеççĕ. Унта ч...)
 
п
Турци Республикинчи Кастамону облаçĕнче (вилаетĕнче) çулсеренех Тĕрĕк Тĕнчин кунĕсем иртеççĕ. Унта черетлесе тĕнчери тĕрĕк халăхĕсен представителĕсене чĕнеççĕ. Кăçал вара Кастамону облаçĕн кĕпĕрнаттăрĕ (валийĕ) Мустафа Кара, Кастамону хулин мэрĕ Турхан Тончуоглу, Кастамонуран тухнисен Турцири ентешлĕхĕн ертỹçисенчен пĕри Кемал Чапраз Тĕрĕк Тĕнчин культурин Чăваш центрĕн делегацине йыхравларĕç.
Делегаци йышĕнче çаксем пулчĕç: Чăваш центрĕн ертỹçи Красномайски чăвашĕ Илле Иванов журналист тата поэт (делегаци ертỹçи), Патăрьелĕнчи халăх юррисен юрăçи Николай Николаев тата Шупашкар районĕнчи Çĕньялти пултарулăх çурчĕн художество пултарулăх ушкăнĕн çыннисем.
 
Ушкăнăн пысăк пайĕ ют çĕр-шыва пĕрремĕш хут кайнине шута илсе чăвашсем Стамбула уявччен темиçе кун маларах çитрĕç. Вĕсене Чăваш центрĕ янипе Турцире пĕлỹ пухакан чăваш студенчĕсем Сергей Табаковпа Леонид Иванов кĕтсе илчĕç.
Делегацие çав кунах Тĕрĕк Тĕнчине тĕпчекен фонд ертỹçи Стамбул университечĕн профессорĕ, Чăваш патшалăх университечĕн Хисеплĕ докторĕ Турган Язган йышăнчĕ, апатлану ирттерчĕ. Тепĕр кунне Стамбулри чи чаплă ресторанта Кемал Чапраз савăнăçлă лару-тăрура каçхи апат йĕркелерĕ.
 
Чăвашсем ытти кунсенче Айа-Софья музейне, Султанахмет мечĕтне çитсе курчĕç, Босфор проливĕ тăрăх Мрамор тинĕсĕнчен пуçласа Хура тинĕс таран шыв тăрăх çул çỹрерĕç, Мрамор тинĕсĕ хĕрринче канчĕç.
 
Чăваш делегацине ЕНИЧАГ телеканал хăнана чĕнсе виçĕ сехетлĕх тỹрĕ эфирта передача йĕркелерĕ. Кунта калаçăва Илле Ивановпа Кемал Чапраз хутшăнчĕç, пултарулăх ăстисем илемлĕ концерт пачĕç. Передачăна Европăпа Азире пăхнă. Çакна Германирен, Иранран, Азербайджанран, ытти хăш-пĕр çĕр-шывсенчен пулнă телефон шăнкăравĕсем те çирĕплетрĕç. Шăнкăравлакансем чăваш халăхĕнчен, унăн искусствинчен тĕлĕннине пытармарĕç. Халăх ыйтнипе передачăна тата 6 хутчен кăтартрĕç.
Кастамонури уяв хула урамĕсем тăрăх утнипе пуçланчĕ. Ăна ку чухнехи Турцие никĕслекенĕ Кемаль Ататюрк хулана 1925 çулхи августăн 23-мĕшĕнче килнине халалланă.
 
ХI Тĕрĕк Тĕнчин Кунĕсем Кастамону хулин тĕп лапамĕнче уçăлчĕç. Ют çĕр-шывсенчен килнĕ делегацисенчен чи малтан Илле Иванова сăмах пачĕç. Вăл турккă чĕлхипе чăваш халăхĕ, Чăваш Ен çинчен мăнаçланса каласа пачĕ, Чăваш фольклорисчĕсем хăйсен ăсталăхне тĕлĕнмелле кăтартрĕç. Тепĕр кунне пĕтĕм хаçатсенче чăваш делегацийĕ çинче ăшă сăмахсем, сăн ỹкерчĕксем пичетлерĕç.
Ун хыççăн Тĕрĕк Тĕнчине аталантарас ыйтусемпе симпозиум иртрĕ. Унта Турцин патшалăх деятелĕсемпе, паллă ăсчахĕсемпе пĕрле ЧР культурин тава тивĕçлĕ ĕçченĕ, Тĕрĕк Тĕнчин Абдулхак Хамид Тархан ячĕллĕ поэзи премийĕн лауреачĕ Илле Иванов сăмах каларĕ. Вăл çĕкленĕ проблемăсем турккăсене питех те кăсăклантарчĕç.
 
Каçхине чăваш фольклор ансамблĕ Кастамону хулин тĕп паркĕнче гала-концерта хутшăнчĕ. Темиçе хут янăрарĕ чăваш юрри-кĕвви хула çийĕн. Патăрьелĕн юрăçине Н. Николаева темиçе хут юрлаттарчĕç.
 
Чăваш делегацийĕ Тĕнчери фестивальрен туслă çыхăнусене малашне тата çирĕплетес тĕллевпе хавхаланса таврăнчĕ.
 
{{delete}}
15 702

правки

Навигаци