Вивьен Ли страницӑн кодне пӑхни

{{Кинематографист
| Ят                 = Вивьен Ли 
| Тăван ят           = Vivien Leigh
| Ӳкерчĕк            = Vivien Leigh Scarlet.jpg
| Анлăш              = 240px
| Çуралнă чухнехи ят = Вивиан Мэри Хартли
| Çуралнă вăхăт      = [[1913]], [[чӳк, 5]]
| Çуралнă вырăн      = {{ÇВ|Дарджилинг|Индире}}, [[Инди]]
| Вилнĕ вăхăт        = [[1967]], [[утă, 7]]
| Вилнĕ вырăн        = {{ВВ|Лондон|Лондонра}}, [[Аслă Британи]]
| Професси           = Аслă Британи актриси
| Парнесем           = «[[Оскар (парне)|Оскар]]» ([[1939]], [[1951]])
| imdb_id            = 46
| Сайт               = [http://www.vivien-leigh.com/ Официаллă сайт]
}}
'''Вивьен Ли''' ({{lang-en|Vivien Leigh}}), çавăн пекех '''Оливье леди'''; çуралнă чухнехи ят '''Вивиан Мэри Хартли''' ({{lang-en|Vivian Mary Hartley}}); [[чӳк, 5]] [[1913]] — [[утă, 7]] [[1967]]) — [[Англи|акăлчан]] актриси, «[[Тăвăл тăпăлтарнисем (фильм)|Çилпе вĕçсе саланнисем]]» (1939)  ''Скарлетт О’Хара'' тата «[[«Кăмăл» трамвайĕ (фильм, 1951)|„Кăмăл“ трамвайĕнчи]]» (1951)  ''Бланш Дюбуа'' (çак роле вăл [[лондон]] «Вест Энд» театрĕнче те вылянă) кăнтăр америка чиперккисен ролĕсесене сăнарланăшăн «[[Оскар (парне)|Оскар]]» парнине икĕ хут тивĕçнĕскер.

Хевтеллĕ актриса тăтăшах [[Оливье Лоуренс|Лоренс Оливьепе]], хăйĕн упăшкипе — вăл актриса вылянă темиçе фильм [[режиссёр]]ĕ пулнă — пĕрле ĕçленĕ. Хăйĕн вăтăр çул хушшинчи карьеринче вăл тĕрлĕ рольсене: [[Кауард Ноэл|Ноэл Коуардпа]] [[Шоу Бернард|Бернард Шоу]] [[камит|камичĕсенче]], [[шекспир]]ăн  ''Офелия'', ''Клеопатра'', ''Джульетта'' тата ''леди Макбет'' характер ролĕсене сăнарланă.

Ли шухăшланипе, хăй селĕм хӳхе пулнипе ăна тимлĕ актриса вырăнне хумаççĕ пулнă,  анчах та рольсене тивĕçес çулри тĕп чăрмавĕ унăн хавшак сывлăхĕ шутланнă. Хăйĕн çитĕннĕ çулсенчи тапхăрĕнче маниак тĕслĕ депрессинче пулнипе, Вивьен Липе ĕçлеме йывăр тенĕ, мĕншĕн тесен унăн карьеринче пĕрмаях лакăм тапхăрĕсем сиксе тухкаланă. Малашне [[туберкулез]] хĕснипе актрисăн сывлăхе чакать. Çак диагноза пĕрремĕш хут хĕрĕххĕмĕш çулсен варринче лартаççĕ. Вивьен тата Оливье [[1960]] çулта уйрăлаççĕ, каярах Ли кинора сайра çапăнать, [[туберкулез]] амакĕпе хăйĕн чунĕ тухичченех театрта хевтелет.

== Кун-çулĕ ==
=== Актрисăн ачалăхĕпе карьери ===
Вивьен Мэри Хартли [[инди]]н [[Дарджилинг (хула)|Дарджилинг]] хулинче çуралнă. Унăн ашшĕ, Эрнест Хартли, инди [[кавалери]]н акăлчан офицерĕ пулнă. Амăшĕ, Гертруда Робинсон Яки, епле ăратран пулни паллă мар. Вăл [[ирландсем|ирланд]] хĕрĕ пулнă теме пулать. Ашшĕпе амăшĕ [[Лондон]]ри [[Кенсингтон]]ра [[1912]] çулта пĕрлешнĕ. [[1917]] çулта Эрнест Хартлине  [[Бангалор]]а куçараççĕ, çав вăхатра Гертрудăпа Вивьен Утакамундра юлаççĕ. 

Вивьен Хартли пĕрремĕш сцена çине виçĕ çулта тухать, ун чухне хĕрача хăйĕн амăш йĕркеленĕ  театр ушкăнĕ шутĕнче «Пĕчĕк Бо Пип» сăвăна вуланă. Гертруда Хартли хăйĕн хĕрне литература туйăмне астивме хăнăхтарнă, [[Андерсен Ханс Кристиан|Ханс Кристиан Андерсен]], [[Льюис Кэрролл]] тата [[Киплинг Редьярд|Редьярда Киплинг]] кĕнекисемпе паллаштарнă, çаплах [[Авалхи грек халаплăхĕ]]н калавĕсене сĕннĕ. Çемьери пĕртен-пĕр ача пулсан та, [[1920]] çулта Вивьена [[Англи]]ри Таса Чĕре мăнастăрьне çитĕнсе ӳсме ăсатаççĕ. [[Мăнастăрь]]те унăн юлташ хĕрĕ [[Морин О'Салливан]] пулас актриса пулнă, ăна Вивьен хăй ''«чаплă актриса»'' пулас ĕмĕте шанса каланă.

Вивьен Хартли хăйĕн малашне пĕлӳне [[Европа|Европăра]] тăсать — [[1931]] çулта вăл хăйĕн тăван килне [[Англи]]е таврăнать. Унăн актриса пулас ĕмĕтне пурнăçа кĕртме ашшĕ-амăшĕ пулăшать. Ашшĕ ăна [[Лондон]]ри Патша Драма Ӳнер Академине вĕренме кĕме пулăшать.

[[1931]] çул вĕçĕнче вăл хăйĕнчен 13 çул аслă Герберт Ли Холман адвокатпа палашать. Савни  «театрпа çыхăннă çынсене» кăмăлламан пулсан та, вĕсем [[1932]] çулхи [[раштав, 20]] мăшăрланаççĕ. [[1933]] çулхи [[юпа, 12]] Вивьен хĕрача çуратать, ăна Сюзанна ят параççĕ, анчах та Вивьен кил хуçайки ролĕпе кăмăлланмасть. Тусĕсем ăна «Ӗçсем юсанаççĕ» фильмри пĕчĕк роле сĕнеççĕ, çак ĕç Вивьенăн киноэкранри дебючĕ пулать. Вăл Джон Гиддон агента ĕçе илет. Агенчĕ «Айприл Морн» суя ята илме сĕнет, анчах та актриса «Вивьен Ли» ята кăмăллать. Гиддон ăна [[Александр Корда|Александр Кордăна]] киноактриса ĕçне пама ыйтать, анчах та Корда унăн ӳнер потенциалне туяймасть.

[[1960]] çулта Ли хăйне тиркевçĕсем пĕрремĕш хут ырласа чапа кăларнă пирки иккĕллĕ шухăшланине пĕлтерет:
{{Цитата пуçламăшĕ}}Хăшпĕр тиркевçĕсем урăх айванлăха тупаймасăр эпĕ аслă актриса пулнă терĕç. Çакă ухмахла, путсĕр пулнине эпĕ ăнкартса илтĕм, мĕншĕн тесен эсир ман çине хам йăтайми çав тери йывăр яваплăх тиерĕр. Эсир пĕрремĕш асăнусенче тивĕçтернĕ сумлă титула йӳнеçтерме манăн темиçе çул ăстăçалăха вĕренме тиврĕ. Вĕсем çак енчен айванла хăтланчĕç. Эпĕ çав тиркевçĕне асра тытатăп, ăна эпĕ нихăçан та каçармастăп.{{Цитата вĕçĕ}}

[[1935]] çулта «Ырлăх питлĕхĕ» спектакльте вылянă хыççăн Вивьена питĕ пахалаççĕ, хаçатсемпе журналсенче статьясем, калаçнисем пичетленсе тухаççĕ. Çак статьясем хушшинче «Дэйли экспресс» хаçатри те пулнă, унта журналист «унăн питĕнче çиçĕм евĕр улшăну» пулса иртнине асăрхать.

Вивьенăн кăмăл-туйăмĕ хăвăрт улшăннине публика асăрхани пĕрремĕш пулнă. Джон Бенджаман ăна «акăлчан хĕр упраçлăх чунĕ» тесе палăртнă. Премьера вахăчĕ çитсен, Корда, хăйĕн йăнăшне ăнланса илсе, «Вивьен Липе» контракт çырса ал пусать. Вивьен пьесăра выляма пăрахмасть, анчах та Корда спектакăле пысăк зала куçарсан, театр тиркевçисем, Ли пысăк аудиторие тимлеттерме пултараймасть тесе хистенĕ, залри пĕтĕм кĕтесре те илтĕнмелле пултăр тесе сассине улăштарма сĕннĕ. Çакăншăн спектакăле выляма пăрахнă.

=== Лоуренс Оливьепе тĕл пулни ===
[[Ӳкерчĕк:Sir Laurence Olivier and Vivien Leigh on holiday in Queensland (3190855694).jpg|thumb|left|Вивьен Лоуренс Оливьепе|240px]]
[[Оливье Лоуренс|Лоуренс Оливье]] Вивьена «Ырлăх питлĕхĕнче» асăрхать. Ăна вăл тунă ĕçпе саламлать, вĕсем хушшинче тусла çыхăну пуçланать. «Англи çинчи вут-çулăм» пьесăра юратакансен ролĕсене выляса, Ли тата Оливье пĕр-пĕрне савса пăрахаççĕ.

Çак вăхăтра Ли [[Маргарет Митчелл]] хайланă «[[Тăвăл тăпăлрнисем (роман)|Тăвăл тăпăлтарнисем]]» романа вуласан, вăл [[АПШ|Америкăри]] агентне фильм продюссĕрĕпе — [[Селзник Дэвид|Дэвид Сэлзникпа]] — Скарлетт ролĕ пирки калаçма хушать. 

Вăл журналистсене çапла каланă: «Эпĕ хама [[Скарлетт О’Хара]] ролĕнче куратăп». Кинотиркевçĕ Лежон çав вăхăтри калаçăва аса илет: «Ли пире пурне те тĕлĕнтерсе ячĕ. Оливье «Ретт Батлера сăнарламасть, анчах эпĕ Скарлетт О’Харăна выльăп. Кăштах чăтсан куратăр!»
Олд-Вик театрĕнче Оливье лартнă «[[Гамлет]]» пьесинче Ли [[Офелия|Офелие]] сăнарланă.

Вал çаплах [[Роберт Тейлор]], [[Лайонел Берримор]] тата [[Морин О'Салливан]] артистсемпе  «Янкисем Оксфордра» фильмра ĕçлет. Çăк фильма пула Вивьена [[АПШ|Пĕрлешĕннĕ Штатсенче]] тимлĕ пăхма тытăнаççĕ. Çапса илнĕ чухне вăл хăйне кăткăс та шухăшламасăр репутациллĕ кăтартать, Корда вара Ли агентне актрисăна хăйне тытассине улăштармасан рольсене тивĕçесси такăр пулмĕ тесе асăрхаттарма хушать. Унăн тепĕр [[Лоутон Чарльз|Чарльз Лоутонпа]] пĕрле вылянă «Таса Мартин çулĕ» фильмри ролĕ.

=== Тĕнчери чаплăхĕ ===
Оливье кино карьерине анлăлатса пынă, анчах та [[Аслă Британи|Британире]] çеç вăл паллă пулнă, [[АПШ|Штатсенче]] ăна ытлах пĕлмен, малтанхи ĕçĕсем американ пасарĕнче кăлтăкланнă. «Аслати ту каçăвĕ» фильмри Хиклифф ролĕпе килĕшсе, вăл [[Холливуд]]а тухса каять, Вивьена [[Лондон]]ра хăварать. Кинофильм продюсерĕ Сэмюэл Голдвин тата режиссёр [[Уильям Уайлер]] Вивьена пĕчĕкрех роле (Изабелла) сĕнеççĕ. Вăл çакăнпа килĕшмест, Кэти тĕп рольне çеç сăнарласшăн пулать,а чах та çак роле [[Мерл Оберон]]а панă пулнă.

[[Ӳкерчĕк:Vivien Leigh as Scarlett OHara in Gone With the Wind trailer.jpg|thumb|230px|Вивьен Ли «Тăвăл тăпăлтарнисем»(1939)]]
Çав хушăра [[Холливуд]]ра васкасах « [[Тăвăл тăпăлтарнисем (фильм)|Тăвăл тăпăлтарнисен]]»(1939) Скарлетт рольне выляма актриса шыранă. Вивьенăн американ агенчĕ ăна çак роле [[1938]] çулхи нарăс уйăхĕнче сĕнет. Çав уйăхрах Дэвид Сэлзник унăн «Англи çинчи вут-çулăм» тата «Янкисем Оксфордра» ĕçĕсемпе паллашать, çак самантран Вивьен çак роле выляс текенсен хушшинче чи пĕрремĕш пулса тăрать. Нарăспа çурла тапхăрĕнче Сэлзник унăн пĕтĕм акăлчан ĕçĕсене пăхса тухать. Юпан 18-мĕшĕнче Сэлзник фильм режиссёрĕ [[Джордж Кьюкор]] патне вăрттăн çыру ярать: «Эпĕ çак çĕнĕ хĕре шанатăп». Вивьен [[Лос-Анджелес]]а Оливьепе юнашар пулас сăлтавпа пурăнма куçать. Майрон Сэлзник (Дэвидăн шăллĕ) — вăл Оливье агенчĕ пулнă — чиперккепе тĕл пулсан, Вивьенпа Оливьене Дэвид патне илсе каять. Тепĕр куннех Вивьен сценари пайне Сэлзник умĕнче вулать. Сэлзник хăйĕн арăмĕ патне çапла çырать: «Скарлетт — шанчăксăр лаша, çавах питĕ илĕртӳллĕ курăнать. Çакна сана питĕ вăрттăн уçса калатăп: выляма тивĕçлисен йышĕ [[Полетт Годдар]], [[Джин Артур]], [[Джоан Беннетт]] тата Вивьен Ли çеç юлчĕ.» Режиссёр Джордж Кьюкор пурин шухăшĕпе те килĕшет, «çав тери чарайми» тесе Вивьена асăнать. Тепĕртакран хĕр хăйĕн рольне туянать.

Чи малтанхи кунсенчи ĕç Вивьена йывăр килет. Кьюкора ĕçрен хăтарса ун вырăнне [[Флеминг Виктор|Виктор Флеминга]] илнĕ, унпа Ли тăтăшах хирĕçнĕ. [[Оливия де Хэвилленд]]па (Мелани Гамильтон) пĕрле вăл вăрттăн Кьюкорпа тĕл пулса канашланнă. Вивьен [[Гейбл Кларк|Кларк Гейблпа]] (Ретт Батлер) тата унăн арăмĕпе, [[Кэрол Ломбард]]па, çаплах де Хэвиллендпа туслашса каять, анчах та [[Лесли Говард]]па (Эшли Уилкс) тавлашнă — вĕсен иккĕшĕн темиçе хĕрӳ эпизодра пĕрле вылямалла пулнă. Çаплах эрнере 7 кун, пĕрмаях каç ларичченех, ĕçлемелли питĕ кӳрентернĕ, [[Çĕнĕ Йорк]]ра ĕçлекен Оливьепе тĕл пулайманнипе тунсăхланă. Ли  Холман патне çапла çырнă: «Мана Холливуд чуна илмест... Эпĕ нихăçан та çакна хăнăхаймастăп — кинора выляма пачах килĕшмест.»

[[2006]] çулта Хэвилленд  [[Оливье Лоуренс|Лоуренс Оливье]] кун-çулĕ пирки кĕнекере Вивьен Ли «[[Тăвăл тăпăлтарнисем (фильм)|Тăвăл тăпăлтарнисем]]» фильма çапса илнĕ чухне хăйне маньяк евĕр тытнă тенипе килĕшмест. Вăл Лие хӳтĕленĕ: «Вивьен кино ӳкернĕ чухне хăйĕн профессине пĕлсе, дисциплинăна тытса тăрăшнă. Унăн 2 пысăк ĕç-пуç пулнă: вăй пур таран çак кăткăс ролье хайланă, [[Çĕнĕ Йорк]]ра пурăннă Ларрипе (Оливье) тĕл пулма чăрмав пулнă.»


«Тăвăл тăпăлтарнисем» фильм тӳрех Вивьен Лие тимлĕхпе мухтав кӳрет пулин те, анчах та:
{{Цитата пуçламăшĕ}}Эпĕ — киноçăлтар мар. Эпĕ — актриса. Киноçăлтăр пулни — киноçăлтăр çеç — çак суя хаклăхпа чаплăхшăн тăрмашни чăн пурнăç мар. Актёр ĕç-хĕлĕ вăрăм ĕмĕре, унта яланах сăнарлама çав тери селĕм рольсем пур.» {{Цитата вĕçĕ}}

«Тăвăл тăпăлтарнисем» фильм тивĕçнĕ вунă «[[Оскар (парне)|Оскар]]» парни хушшинче [[«Оскар» парни хĕрарăм паха ролĕшĕн|хĕрарăм паха ролĕшĕн]] Вивьен Лие чысланă парне те пулнă. Çаплах вăл чи селĕм актриса ятне «New York Film Critics Circle» йĕркелӳрен тивĕçет.

=== Туй тата пĕрлĕ проектсем ===
Джил Эсмонд [[1940]] нарăс уйăхĕнче Оливьепе уйрăлма килĕшет, Холман та Лие ирĕк парать. Пурнăç тăршшипех вĕсем туслă хутшăнса пурăннă. Эсмондпа Оливье ывăлĕ амăш çумĕĕнче юлать, Вивьен хĕрĕ — Сюзана, ашшĕпе юлать. Çурлан 30-мĕшĕнче Оливьепе Вивьен [[Санта-Барбара (Калифорни)|Санта-Барбарăра]], [[Калифорни]] штачĕ, мăшăрланаççĕ. Церемонире [[Кэтрин Хепбёрн]] тата Гарсон Канин кăна пĕрле пулнă.

[[Ӳкерчĕк:Vivien Leigh and Laurence Olivier disembarking plane, Brisbane 1948.jpg|200px|Вивьен тата Лоуренс Оливье (1948)|left|thumb]]
Ли Оливьепе пĕрле ĕçлеме [[Альфред Хичкок]] режиссёрăн «[[Ребекка (фильм, 1940)|Ребекка]]» фильмра роль тупасшăн тăрăшнă. Унăн кинохăтланăвĕсем хыççăн Сэлзник çапла çырать: «Вăл чуна уçса памасăр вылять». Режиссёр каланипе вара, Вивьен нимле хавхалунăлăха та палăртмасть, тĕп роле Оливье парсан тин кускалама тытăнать. Юлашкинчен, Ребекки рольне [[Джоан Фонтейн]]а параççĕ. Вивьен çаплах Оливье вылянă «[[Гордость и предубеждение (фильм)|Гордость и предубеждение]]», фильмра та роле илеймест. 

Ли Оливьепе пĕрле «[[Леди Гамильтон (фильм)|Леди Гамильтон]]» фильмра (1941) выляççĕ, унта Лоуренс [[Нельсон Горацио|Горацио Нельсона]], Вивьен - [[Гамильтон Эмма|Эммв Гамильтона]] сăнаралать.
Çак роль Ли статусне холливуд çăлтăрĕ шайне хăпартать, фильма тиркевçĕсем ăшшăн  йышăннă, халăх кăмăлланă, актрисăн юратнă ĕçĕ пулса тăрать. Фильма АПШ-па Аслă Британире кăна мар, çаплах [[СССР|Совет Союзĕнче]] те савса пăхнă.


....


[[1946]] çулта Торнтон Уалдерăн «The Skin of Our Teeth» пьесинче ăнăçлă вылянă хыççăн ура çине тĕрек тăрать. «Цезарь тата Клеопатра» тата [[Анна Каренина|«Анна Каренина»]] фильмсенчи ĕçĕсем мухтава тухайман.

[[1947]] çулта Оливье рыцăрь пулса тăрать, Вивьен унпа пĕрле [[Букингем керменĕ|Букингем керменне]] церемоние пынă. Ăна Леди Оливье ятпа чĕнеççĕ, çак титул уйрăлу хыççăн та юлать.

=== Юлашки кунĕсем ===
[[1967]] çулхи çу уйăхĕнче Ли каллех [[туберкулёз]]ăн кассисемпе асапланать. [[Утă, 7]] Вивьен Ли куçне ĕмĕрлĕхе хупать. Унăн кĕлеткине çулăма парса кĕлне [[Тухăç Суссекс]]ри пĕчĕл ял çумĕнчи кӳлĕре сапаланă.

== Фильмографи ==
# [[1935]] — [[Ял сквайрĕ (фильм)|Ял сквайрĕ]] / ''The Village Squire''
# [[1935]] — [[Йăл кул (фильм)|Йăл кул]] / ''Look up and Laugh''
# [[1935]] — [[Ӗçсем юсалчĕç (фильм)|Ӗçсем юсалчĕç]] / ''Things are Looking up''
# [[1935]] — [[Джентльмен килĕшĕвĕ (фильм, 1935)|Джентльмен килĕшĕвĕ]]  / ''Gentlemen’s Agreement''
# [[1936]] — [[Англи çинчи вут-çулăм (фильм)|Англи çинчи вут-çулăм]] / ''Fire Over England''
# [[1937]] — [[Ăмăр çулçӳрев (фильм)|Ăмăр çулçӳрев]] / ''Dark Journey''
# [[1938]] — [[Янкисем Оксфордра (фильм)|Янкисем Оксфордра]] / ''A Yank at Oxford'' — ''Эльза Крэдок''
# [[1938]] — [[Çирĕм пĕрремĕш кун (фильм)|Çирĕм пĕрремĕш кун]] / ''21 Days''
# [[1938]] — [[Таса Мартин тăкăрлăкĕ (фильм)|Таса Мартин тăкăрлăкĕ]] / ''St. Martin’s Lane'' — ''Рекс Хариссон''
# [[1938]] — [[Лондон тротуарĕсем (фильм)|Лондон тротуарасĕм]] / ''Sidewalks of London ''
# [[1939]] — [[Тăвăл тăпăлтарнисем (фильм)|Тăвăл тăпăлтарнисем]] / ''Gone With The Wind'' — ''[[Скарлетт О’Хара]]''
# [[1940]] — [[Ватерлоо кĕперĕ (фильм)|Ватерлоо кĕперĕ]] / Waterloo Bridge
# [[1941]] — [[Леди Гамильтон (фильм)|Леди Гамильтон]] / ''That Hamilton Woman'' — ''Эмма Гамильтон''
# [[1945]] — Цезарь тата Клеопатра — ''[[Клеопатра]]''
# [[1948]] — [[Анна Каренина (фильм, 1948)|Анна Каренина]] / ''Anna Karenina'' — ''Анна Каренина''
# [[1951]] — [[«Кăмăл» трамвайĕ (фильм, 1951)|«Кăмăл» трамвайĕ]] / ''A Streetcar Named Desire'' — ''Бланш Дюбуа''
# [[1961]] — [[Миссис Стоунăн рим çуркунни (фильм)|Миссис Стоунăн рим çуркунни]] / ''The Roman Spring of Mrs. Stone'' — ''Карэн Стоун''
# [[1962]] — [[Тарăн синкер тинĕс (фильм)|Тарăн синкер тинĕс]] / ''The deep blue sea''
# [[1965]] — [[Ухмасен карапĕ (фильм)|Ухмахсен карапĕ]] / ''Ship of Fools'' — ''Мэри Тредвел''

== Вуламалли ==
* Edwards, Anne. ''Vivien Leigh, A Biography'', Coronet Books, 1978 edition. ISBN 0-340-23024-X
* John Russell Taylor. ''Vivien Leigh'', Elm Tree Books, 1984. ISBN 0-241-11333-4
* Vickers, Hugo. ''Vivien Leigh'' Little, Brown and Company, 1988 edition.
* Walker, Alexander. ''Vivien, The Life of Vivien Leigh'', Grove Press, 1987. ISBN 0-8021-3259-6

== Каçăсем ==
{{commonscat|Vivien Leigh}}
* {{ibdb|49426|Вивьен Ли}}
* {{imdb|46|Вивьен Ли}}
* {{findagrave|1261|Вивьен Ли}}
* [http://www.vivien-leigh.com/ Официаллă сайт] {{Webarchive|url=https://web.archive.org/web/20060202174711/http://www.vivien-leigh.com/ |date=2006-02-02 }}
* [http://www.da.stranichka.net/actress/vivien_leigh.php Вивьен Ли кун-çулĕ] {{Webarchive|url=https://web.archive.org/web/20100323072128/http://www.da.stranichka.net/actress/vivien_leigh.php |date=2010-03-23 }}
* [http://gwtw.forum24.ru/ «Унесенные ветром», сӳтсе явни, хыпар]

{{Хĕрарăм ролĕшĕн «Оскар» парни}}

<!-- см. англ. вики-->

{{DEFAULTSORT:Ли, Вивьен}}

[[Категори:Туберкулёзпа вилнисем]]
[[Категори:«Оскар» парне лауреачĕсем]]
[[Категори:BAFTA парне лауреачĕсем]]
[[Категори:«Тони» парне лауреачĕсем]]
[[Категори:XX ĕмĕр артисчĕсем]]