Габриэль Атталь страницӑн кодне пӑхни

{{Персона}}
'''Габриэль Атталь''' ({{lang-fr|Gabriel Attal}}; 1989 ҫулхи пуш уйăхĕн 16-мӗшӗнче ҫуралнӑ, Кламар) — Франци политикĕ тата патшалӑх ӗҫченӗ, «Возрождение» партин пайташӗ, [[Франци правительство ертӳҫисен ят-йышӗ|Франци премьер-министрӗ]] (2024-ран).

Унчченрех йышӑннӑ вырӑнсем - правительствӑн официаллӑ представителӗ (20—2022) тата общество счечӗсен министр-делегачӗ (2022—2023), наци ҫутӗҫӗн тата ҫамрӑксен ӗҫӗсен министрӗ (2023).

== Биографи ==

=== Йӑхран тухни тата пӗлӗвӗ ===
Габриэль Атталь [[1989]] ҫулхи [[Пуш, 16|пуш уйăхĕн 16-мӗшӗнче]] [[Кламар]] ([[Иль-де-Франс (регион)|Иль-де-Франс]]) хулинче ҫуралнӑ<ref>{{cite web|url= https://ria.ru/20240109/attal-1920285367.html |title= Биография Габриэля Атталя |author=  |date= 2024-01-09 |work= |publisher= РИА Новости |accessdate= 2024-01-09 |lang= }}</ref>.

Амӑшӗ — Мари де Курисс, [[Грексем|грек]] хĕрарăмĕ тата революципе граждан вӑрҫи хыҫҫӑн [[Одесса|Одессӑран]] тарнӑ шурӑ эмигрантсен тӑхӑмӗ. Габриэль Атталӗн амӑшӗн мӑн аслашшӗсенчен пӗри [[Голицын Дмитрий Владимирович|Дмитрий Владимирович Голицын]] генерал пулнӑ. Православнӑй пулнӑ май амӑшӗ православие ывӑлне те тӗне кӗртнӗ. Премьер-министрӑн ашшӗ, Ив Атталь, ӑнӑҫлӑ адвокат, кинопродюсер тата общество деятелĕ, вӑл [[Еврейсем|еврей]] ҫемьинче ҫуралса ӳснӗ, унӑн ашшӗ Тунисри [[Сефардсем|сефардсенчен]], амӑшӗ [[Эльзас|Эльзасри]] [[Ашкеназсем|ашкеназсен]] ушкӑнӗнчи эмансипациленӗ еврей ҫемьинчен пулса кайнӑ. Габриэль Атталӗн тӑванӗсем Франци тулашӗнче тӗнчери нумай ҫӗршывсенче, сӑмахран [[Германи|Германире]], [[Швейцари|Швейцарире]], [[Итали|Италире]], [[Тунис|Тунисра]], [[АПШ|АПШра]], [[Аслӑ Британи|Аслӑ Британире]] тата [[Раҫҫей|Раҫҫейре]] пурӑнаҫҫӗ. 

Габриэль Парижӑн сумлӑ пайӑр вӗренӳ заведенийӗнче — [[Эльзас шкулӗ|Эльзас шкулӗнче]] вӗреннӗ; тӗл пулакан сведенисем тӑрӑх унта вӗренекенсем ӑна хĕсĕрленӗ.

2013 ҫулта [[Политика тӗпчевӗсен институчӗ (Париж)|Политика тӗпчевӗсен институтӗнче (Париж)]] патшалӑх управленин магистрӗ степенӗпе вӗренсе тухнӑ, кайран Парижри [[Пантеон-Ассас университечӗ|Пантеон-Ассас университетӗнче]] аслӑ юридици пӗлӗвне илнӗ.

==== Политика карьери ====
2006 ҫулта [[Социализм партийӗ (Франци)|Социализм партине]] кӗнӗ, 2007 ҫулта президент суйлавӗнче [[Сеголен Руаяль]] кандидатурине ырланӑ, 2012 ҫулта [[Марисоль Турен]] аппаратӗнче ӗҫлеме тытӑннӑ. 2014 ҫулта [[Ванв|Ванвӑн]] муниципаллӑ канашне суйланӑ, 2016 ҫулта «Малалла!» ҫӗнӗ партине куҫнӑ, 2017 ҫулхи президент суйлавӗнче [[Эмманюэль Макрон|Эмманюэль Макрона]] пулӑшнӑ. Парламент суйлавӗн пӗтӗмлетӗвӗсем тӑрӑх, 2017 ҫулта Францин Наци пухӑвне [[Туçи Сена|О-де-Сен]] департаментӗнче 10-мӗш суйлав округӗнчен суйланнӑ, 2018 ҫулхи кӑрлач уйӑхӗнче «Республика, малалла!» президент партийӗн официаллӑ представителӗ пулса тӑнӑ, 2018 ҫулхи юпа уйӑхӗн 18-мӗшӗнче ӑна [[Филиппӑн иккӗмӗш правительстви|Филиппӑн иккӗмӗш правительствинче]] наци вӗрентӗвӗн министерствин патшалӑх секретарӗн вырӑнне лартнӑ (ҫамрӑксемпе ӗҫсӗрлӗх ыйтӑвӗсемпе ӗҫленӗ). 

2020 ҫулхи утӑн 6-мӗшӗнче [[Жан Кастекс|Кастекс]] [[Кастекс правительстви|правительствине]] йӗркеленӗ чухне унӑн официаллӑ представителӗ пулма ҫирӗплетнӗ.

2022 ҫулхи ҫу уйӑхӗн 20-мӗшӗнче [[Элизабет Борн]] правительствинче экономикӑпа финанс министрӗ ҫумӗнчи обществӑлла счетсен министр-делегачӗ пулма ҫирӗплетнӗ.

2022 ҫулхи [[Утă, 4|утӑ уйӑхӗн 4-мӗшӗнче]] Борнӑн иккӗмӗш правительствӑна йӗркеленӗ чухне унчченхи ӗҫ вырӑнне сыхласа хӑварнӑ.

2023 ҫулхи [[Утӑ, 20|утӑн 20-мӗшӗнче]] правительствӑра кадр улшӑнӑвӗсем иртнӗ май Наци ҫутӗҫӗпе тата ҫамрӑксен ӗҫӗсен министрӗн портфельне илнӗ.

2023 ҫулхи çурлан 23-мӗшӗнче Атталь канашлура шкулсен директорӗсене [[лаицизм]] принципӗсене тытса пынӑ май [[абайя]] йӑлана кӗнӗ мӑсӑльман хӗрарӑм тумне вӗренӳ заведенийӗсенче тӑхӑнма чарасси ҫинчен пӗлтернӗ. «Мӑсӑльмансен прависемшӗн ĕçлев» (Action Droits des Musulmans) ассоциаци министрӑн ҫак йышӑнӑвне хирӗҫленӗ, анчах та авӑнӑн 7-мӗшӗнче [[Патшалӑх канашӗ (Франци)|Францин Патшалӑх канашӗ]] вӑл конституцие хирĕçлеменнине палӑртнӑ.

=== Франци премьер-министрӗ ===
{{main|Атталь правительстви}}
2024 ҫулхи кӑрлачӑн 9-мӗшӗнче Франци президенчӗ Эмманюэль Макрон Аттале Элизабет Борн отставкӑна тухнӑ хыҫҫӑн премьер-министр туса хунӑ. 34 ҫул тултарнӑскер [[Францин Пиллӗкмӗш республики|Пиллӗкмӗш республика]] тапхӑрӗнчи вӑл чи ҫамрӑк премьер-министр пулса тӑнӑ.

[[2024]] ҫулхи кӑрлачӑн 11-мӗшӗнче Атталь правительствине йӗркеленӗ, унта ҫичӗ хӗрарӑм (вӗсенчен виҫҫӗшӗ — министр-делегат пулса) тата ҫичӗ арҫын кӗнӗ. Кабинет пайташӗсен вӑтам ӳсӗмӗ, премьер-министра та шутласан, 46 ҫулпа танлашнӑ.

== Харпăр пурнăçӗ ==
Ҫамрӑк чухне [[Джойс Джонатан]] юрӑҫпа ҫывӑх хутшӑнусенче пулнӑ, анчах юрӑҫ вӗсене пӗчӗк пӗлтерӗшлӗ тесе шутлать<ref>{{cite web|url= https://www.gala.fr/l_actu/news_de_stars/gabriel-attal-ministre-cette-chanteuse-a-ete-lun-de-ses-premiers-amours_480144|title= Gabriel Attal ministre : une célèbre chanteuse a été l’un de ses premiers amours !|author=  Anastasia Wolfstirn  |date= 2023-07-21|work= |publisher= Gala|accessdate= 2023-07-21|lang= fr}}</ref>.

2018—2023 ҫулсенче [[Стефан Сежурне]] евродепутатпа гражданла партнерствӑра пурӑннӑ, анчах премьер-министра ларас самант тӗлне ҫак хутшӑнусене мӑшӑрӑн пӗр енӗ пӗлтернӗ тӑрӑх пӑснӑ. 2018 ҫулта унӑн сексуаллă ориентацине пӗр класра вӗреннӗ юлташӗ, халӗ вара юрист тата политика хастарӗ Хуан Бранко [[Аутинг|уҫса панӑ]].

== Ӑнлантарусем ==
{{Асăрхавсем}}

== Каҫăсем ==
* {{cite web|url= https://www2.assemblee-nationale.fr/deputes/fiche/OMC_PA722190 |title= M. Gabriel Attal|author = |date =|work= |publisher=[[Национальное собрание Франции|Assemblée nationale]]|accessdate= 2022-05-08|lang= fr|archiveurl= |archivedate= }}
{{Куҫарнӑ статья|ru|Атталь, Габриэль}}
{{Франци премьер-министрӗсем}}
[[Категори:Францин Социализм партийӗн пайташӗсем (1969)]]
[[Категори:«Республика, Малалла!» парти пайташӗсем]]
[[Категори:Францин муниципаллӑ депутачӗсем]]
[[Категори:Францин Наци пухӑвӗн депутачӗсем]]
[[Категори:Борнӑн пӗрремӗш правительстви]]
[[Категори:Францин вӗренӳ министрӗсем]]
[[Категори:2024 ҫулта пукан йышӑннӑ Премьер-министрсем]]
[[Категори:Патшалӑхсен хальхи вӑхӑтри ертӳҫисем]]