Çытăр Ехримĕ

Максим Петрович Арзамасов — 1853 çулта Хусан кĕпĕрнинчи Шупашкар уесĕнчи (халĕ Чăваш Республикин Куславкка районне кĕрет) Тĕрлемес ялĕнче хресчен кил-йышĕнче çуралнă. Пуçламăш шкул хыççăн пултаруллă çамрăк экстерн йĕркипе экзаменсем парса Сăваплă Гурий тăванлăхĕн Шăнчасри шкулĕнче ĕçлеме пуçланă. 1798 çулта ăна И. Я. Яковлев Чĕмпĕр шкулне чĕнсе илнĕ, вĕрентекен пулăшуçин ĕçĕсене шанса панă. Пĕр хушă Хусанти учительсен семенарийĕнче ăс пухнă хыççăн вăл Тĕрлемесе таврăннă. 1881-1885 çулсенче унти шкулта ачасене вĕрентсе пурăннă. 1886 çулта Кивĕ Матак ялĕнче (Хальхи Тутарстанăн Çĕпрел районне кĕрет) земство училищиĕ уçăлсан М. Арзамасова унта куçараççĕ. Çав училищĕре хăш вăхăтчен ĕçлени паллă мар. Юлашки çулсенче тăван ялĕнче пурăнса ирттернĕ. 1919 çулхи чӳк уйăхĕн 6-мĕшĕнче вăл тиф чирĕнчен сывалаймасăр çĕре кĕнĕ. Паллăрах хайлавсем: "Турхан", "Хусан хулине никĕслени", "Уйпуç киремечĕ", " "Урасмет", "Анчăк" халапсем, "Куян тус", "Чĕкеç" сăвăсем.