Емельянов Анатолий Викторович

Емельянов Анатолий Викторович, — прозаик, публицист. 1932 çулхи кăрлачăн 10 Чăваш Енĕн Вăрнар районĕнчи Мăньял Хапăс ялĕнче çуралнă.

Чăваш халăх çыравçи (1990). 1966 çултанпа СССР ÇП членĕ шутланать.

Халăхсен туслăхĕн тата Ӗçлĕх Хĕрлĕ Ялав орденĕсене тивĕçле пулнă.

Пурнăçĕ

Вăрнар зооветтехникумĕнче, Ленинградра партин аслă шкулĕнче, Мускаври литературăн аслă курсĕнче пĕлӳ пухнă. Çарта пулнă. Партин Вăрнар райкомĕн пĕрремĕш секретарĕ, Чăваш АССРĕн культура министрĕ, Çыравçăсен пĕрлешĕвĕн правлениĕн председателĕ пулнă.

Ӗçĕсем

Малтанхи сăвви 1949 çулта район хаçатĕнче пичетленнĕ. «Кăмăл» ятлă калавĕ 1957 çулта «Çамрăк коммунист» хаçатăн виççĕмĕш номерĕнче кун курнă.

Калавсем, хайлавсем, романсем çырать. «Шăнкăрав курăкĕ» повеçшĕн Çеçпĕл (1975), «Ят» тата «Ватă ăшши» кĕнекесемшĕн Иванов (1990) премине тивĕçнĕ. Пурĕ 30 ытла кĕнеке тухнă. Çурри вырăсла тухнă. Çыравçă кун-çулпа тан пыма тăрăшать. Публицистика статьисем çырать. Нумай пулмасть «Юлашки çыран» роман çырнă.

Вулакансем çак кĕнекесене вулама юратаççĕ:

• «Çавал сарăлсан» (1966);
• «Хура кăрăç» (1981);
• «Кĕмĕл çил» (1985);
• тата ыттисем.

Каçăсем

• Емельянов А.В. — Çĕнтерӳ çулĕ хаçатри статья, 2008-04-09
• Анатолий Емельянов хайлавĕсем