Комсомольски районĕ

Ӳкерчĕк:Komsomolsk.png

Район картти

Комсомольски районĕ, — Чăваш Енĕн кăнтăр-хĕвелтухăç енче вырнаçнă пайĕ.

Районăн пĕтĕмĕшле лаптăкĕ — 630,3 км².

Район администраци вырнаçнă ял Комсомольски ялĕ Шупашкартан 115 çухрăмра ларать.

Тавралăхĕ

Район çĕрĕ кăнтăртан çурçĕрелле, çавăн пекех хĕвелтухăç енчен хĕвеланăç еннеле 32 çухрăма саралса выртать. Çурçĕр енче Чăваш Енĕн Канаш районĕ, кăнтăр енче — Патăрьел районĕ, хĕвеланăç енче — Йĕпреç районĕ, хĕвелтухăç енче - Елчĕк районĕ вырнаçнă. 12 çухрăм хушши Тутарстан çĕрĕпе чикĕ тăсăлать.

Халăх йышĕ, район тытăмĕ

1999 çул пуçламăшĕнче районăн 54 ялĕнче пурĕпе 28,2 пин çын пурăннă. Пĕр ялта вăтамран 535 çын пурăнать. Чăвашсен йышĕ — 73%, тутарсен — 23%.

Кун-çулĕ

Района 1939 çулхи нарăсăн 22 туса хунă.

Çутçанталăк

• Шăхасан кӳлли

Хуçалăх

Ытларах пайĕпе кунта ял хуçалăхĕнче вăй хураççĕ. Ӳсен-тăран ӳстерессипе вылăх-чĕрлĕх ĕрчетесси пĕр пекех аталаннă. Тырă, çĕрулми, тата тĕрлĕ пахча çимĕçе тупăшлаççĕ. Вылăх-чĕрлĕхрен сысна, ĕне-вăкăр, лаша çитĕнтереççĕ, пыл хурчĕ тытаççĕ.

Çул-йĕр

Районта автомобиль транспорчĕ кăна пур. Тĕп çулĕсем: Çĕрпӳ—Чĕмпĕр—Сызрань, Шупашкар—Йĕпреç—Патăрьел—Елчĕк.

Районти ял тăрăхĕсем

Район 12 ял тăрăхне пайланать:

1. Александровка ял тăрăхĕ — Александровски ялĕ
2. Элпуç-Çĕрпӳел ял тăрăхĕ — Чăваш Элпуç
3. Асанкасси ял тăрăхĕ — Асанкасси ялĕ
4. Кайнлăк ял тăрăхĕ — Йăлмахва
5. Каçал ял тăрăхĕ — Каçал;
6. Аслă Çĕрпӳел тăрăхĕ — Аслă Çĕрпӳел ялĕ
7. Хирти Сĕнтĕр ял тăрăхĕ — Хирти Сĕнтĕр;
8. Хырхĕрри ял тăрăхĕ — Хырхĕрри
9. Тукай ял тăрăхĕ — Тукай ялĕ
10. Урмаел ял тăрăхĕ — Урмаел ялĕ
11. Чичак ял тăрăхĕ — Чурачăк ялĕ
12. Шурут ял тăрăхĕ — Шурут

Паллă çыннисем

• Агивер Фёдор Георгиевич, — прозаик, журналист.
• Андреев Семён Иванович, — тăпра тĕпчевçи.
• Антонов Константин Михайлович, — Совет Союзĕн Паттăрĕ.
• Габайдулин Геннадий Габайдулович, — Совет Союзĕн паттăрĕ.
• Гордеев Денис Викторович, — căвăçă, прозаик, журналист.
• Ильин Владислав Алексеевич, — вице-адмирал.
• Кабалин Иван Андреевич, — Совет Союзĕн Паттăрĕ.
• Краснов Пётр Степанович, — политика ĕçченĕ.
• Ксенофонтов Юрий Иванович, — скульптор.
• Лукиянов Сергей Пантелеймонович, — архитектор.
• Милли Алексей Прокопьевич, — чăваш публичисчĕ, сăвăçă, этнограф.
• Немчев Виктор Леонтьевич, — сăрăçă.
• Патман Николай Кириллович, — прозаик, литература тиркевçи.
• Валери Тургай, — сăвăçă.
• Таллеров Лаврентий Васильевич, — çыравçă.
• Титов Гермоген Титович.
• Турхан Кузьма Сергеевич, — прозаик, чĕлхе куçаруçи.
• Шемекеев Виталий Дмитриевич, — сăвăçă.
• Чаржов Гурий Гурьевич, — сăвăçă.
• Чернов Фёдор Николаевич, — Совет Союзĕн Паттăрĕ.
• Чернов Георгий Николаевич, — Совет Союзĕн Паттăрĕ.
• Ытарай Николай Васильевич, — ача-пăча çыравçи.

Каçăсем

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.