Чăкăт

Чăкăт, чăвашсем хатĕрлекен апат-çимĕç.

Хатĕрлесси

Типĕ тăпăрча чĕрĕ çăмартапа хутăштармалла, тăвар калаттармалла та лайăх çăрмалла. Çăрна тăпăрча чăкăт кăшăлне тултармалла, пуса-пуса тикĕсмелле, питне чĕрĕ çăмарта саррипе сĕрмелле, ытлашши вĕри мар кăмакана йывăç ывăспа лартмалла. Кăшт сивĕнме пуçланă кăмакара кăна чăкăт лайăх тата тутлă пиçет.

Пиçнĕ чăкăта ăшăлла хăй халлĕн е шăратнă услам çупа параççĕ. Сивĕннĕ чăкăта тăрăхла тăваткалăн е кубик пек касмалла, услам çупа кăмакара ăшăтса памалла.

Порци çине (грампа) тăпăрчă 300, пĕр çăмарта, тутанса тăвар, çупа панă чух услам çу 25 каять.

Литература

• Тутлă Апат-Çимĕç. - Шупашкар: Чăваш кĕнеке издательстви, 1982.

Тĕнчери паллă чăкăтсем

• Франци чăкăчĕсем : ( Бри, Бофор, Камамбер, Невшатель т.ыт. ) ;
• Итальян чăкăтсем : ( Горгонзола, Грана Падано, Маскарпоне, Моцарелла, Рикота т.ыт. ) ;
• Испан чăкăтсем : ( Манчего ) ;
• Голлан чăкăтсем : ( Гауда, Эдам ) ;
• Акăлчан чăкăтсем : Чеддер, Стилтон.