Ял тăрăхĕ

Ял тăрăхĕ —вырăнти хăй тытăмлăхне халăх хăех е суйланă вырăнти хăй тытăмлăх органĕсем урлă тытса тăракан пĕр е пĕрлĕ территориллĕ темиçе ял пурăну вырăнĕ (посёлок, чиркӳ ялĕ, станица, хутор, кишлак, аул тата урăх ял пурăну вырăнĕ).

Ял тăрăхĕ муниципаллă район шутне кĕрет.

Ял тăрăхĕ — муниципаллă реформăпа татăçăллă Раççейри муниципаллă йĕркеленӳсен тĕсĕ.

Ял тăрăх территори шутне, яланхилле, 1000 çын пурăнакан (чылай халăх йышлă территорире — 3000 çын ытла) пĕр ял е поселок тата (е) пĕрлĕ территориллĕ кашни 1000 çынран кая мар (чылай халăх йышлă территоришĕн — кашни 3000 çынран кая мар) темиçе пурăну вырăнĕ кĕрет.

Ял тăрăхĕн административлă тĕпне — пурăну вырăнне — вырăнти йăлана, социаллă инфраструктура йĕркине шута илсе ял тăрăхĕн органĕ вырнаçнă Раççей Федерацин субъекчĕн саккунĕпе килĕшӳллĕ суйласа илеççĕ.

Икĕ е темиçе пурăну вырăнĕллĕ ял тăрăхĕн чиккине, яланхилле административлă тĕпĕнчен пĕр кун хушшинче çуран çитсе таврăнмалла пурăну вырăнĕсене кĕртеççĕ. Халăх сахал пурăнакан, çаплах аякри тата çитме хĕн вырăнти çĕрсенче чикесене урăхларах палăртаççĕ.

Ял тăрăхĕнче темиçе вун çынран пуçласа 15—20 пин çын таран пулма пултарать.

Тĕслĕх: Тавăт ял тăрăхĕ Чăваш Республикин Элĕк муниципаллă районĕ шутне кĕрет

Çав. пекех

• Ял канашĕ
• Ял халăхĕ

Каçăсем

• Федеральный закон Российской Федерации от 6 октября 2003 г. № 131-ФЗ «Об общих принципах организации местного самоуправления в Российской Федерации»

Ку вĕçлемен статья. Эсир статьяна тӳрлетсе тата хушса проекта пулăшма пултаратăр. Çак асăрхаттарнине май пулсан тĕрĕсреххипе улăштармалла.