Куçлăх

Ку терминăн урăх пĕлтерĕшсем пур, Куçлăх (пĕлтерĕшсем) пăхăр.

Çывăхкурăмлăха тӳрлетмелли куçлăх

Куçлăх́ — çын куçĕн оптика çитейменлĕхĕ чухне курăмлăха тӳрлетмешкĕн е сиенлĕ тĕрлĕ тĕслĕ çапăмран хӳтĕленмешкĕн чи сарăлнă оптика хатĕрĕ.

Куçлăха кантăк е пластик линзисенчен тăваççĕ, вĕсене хашакпа хытараççĕ, çаклатавпа хăлха çине тăхăнаççĕ. Çаклатав вырăнне хăш чухне хăюпа пуç тавра тыттараççĕ.

Истори

Вуламалли куçлăх

Тревизо чиркĕвĕнчи фреска фрагменчĕ, Томмазо да Модена, 1352 г.

Куçлăха шутласа кăлариччен курма пулăшакан хатĕр вырăнне пĕр куç валли уйрăмла хăйраса якатнă кристаллпа е кантăк татăкĕпе усă курнă.

Куçлăха Италире XIII ĕмĕрте шутласа кăларнă, пулас. Ăслайласа хатĕрленĕ çул — 1284, тăваканĕ, документсем çук пулсан та, Сальвино Армати шутланать.

Çавăн пекех

• Монокль
• Ишев куçлăхĕ
• Контакт линзисем
• Бифокаллă линзă
• Хĕвелтен хӳтĕлекен куçлăх

Вуламалли

• Питер Джеймс, Ник Торп. Древние изобретения. — Мн.: Попурри, 1997. — ISBN 985-438-139-0
• Егоров Н. Г. Очки // Энциклопедический словарь Брокгауза и Ефрона: В 86 томах (82 т. и 4 доп.). — СПб.: 1890—1907.
• Отьян Р. Г. Сведения о ношении очков в Средневековье // Известия Академии наук Арм. ССР, Общественные науки, № 3, 1963, с. 87—94.