Армрестлинг
Армрестлинг – алă вăй виçесси ĕлĕкренех чи чаплă ăмăрту шутланнă. Çак ăмăртуна ытларах чухне сапантуйра е акатуйсенче ирттернĕ. Арçынсем пĕр-пĕринпе тавлашса кĕрсе кайсан та алă вăйне виçме тытăннă. Хăшĕ вăйлине пĕлнĕ.
Америкăра 1952 çулхи юпа уйăхĕнче пĕрремĕш хут алă вăй виçессипе арçынсем хушшинче ăмăрту иртет.Çак ăмăртура ытларах инçе çула çӳрекен водительсем хутшăннă. Ăмăрту пурне те тыткăнланă.
Раççейре алă вăй виçессине официаллă 1989 çулта йышăннă. Ку ăмăртура вăй кăна мар, ăс тата çак спорт енĕн мелне пĕлни те кирлĕ. Малтанах çак ăмăртура арçынсем анчах ăмăртнă, халĕ вара хĕрарăмсем те виçеççĕ. Хĕрарăмсен виçисем 50 кг, 55 кг, 60 кг, 65 кг, 70 кг, 75 кг, 80 кг тата 80 кг йывăртараххисем. Çамрăк арçын ачасем хушшинчи виçесем: 55 кг, 60 кг, 65 кг, 70 кг, 75 кг, 80 кг тата 80 кг йывăртараххисем. Арçынсен виçисем: 60 кг, 70 кг, 80 кг, 90 кг, 100 кг, 110 кг тата 110 кг йывăртараххисем. Чăваш Республикинче арçынсем хушшинче алă вăй виçессипе виçĕ спорт мастерĕ, хĕрсем хушшинче – пĕрре.