Дмитриев Пётр Дмитриевич

Пётр Димитриевич Димитриев (1922-1992 çулхи чӳк, 7)— Раççейĕн тата Чăваш Республикин тава тивĕçлĕ вĕрентӳçи.

Кун-çулĕ

1922 çулта Чăваш Енри Элĕк районĕнчи Юманлăх ялĕнче çĕр ĕçчен çемьинче çуралнă. Ялти пуçламăш шкула, Тенири тулли вăтам шкула пĕтернĕ хыççăн, 1938-1941 çулсенче Нурăсри педагогика техникумĕнче пĕлĕве ӳстернĕ.

Тăван Çĕршывăн Аслă вăрçи тапрансан Юнтапа çумĕнче çар аэродромĕ тума, Етĕрне районĕн çĕрĕнчи Сăр юханшывĕ хĕрринчи хӳтĕлев йĕрне тума хутшăннă.

1942 çулхи нарăс — раштав уйăхĕсенче вăл Сулен хулинчи Хĕрлĕ Ялавлă, Фрунзе ячĕллĕ артиллери училищинче çар ĕçне вĕреннĕ. Унтан вĕренсе тухсан çулăм взвод командирĕ, кайран — батарейă командирĕ пулса, Тĕп, Иккĕмĕш Белоруси фрончĕ тата Пĕрремĕш Белоруси фрончĕсенче нимĕç начисчĕсене хирĕç çапăçать.

1945 çулхи акан 26-мĕшĕнче Берлин операцинче суранланать, хоспитăле лекет.

Вăрçă шавĕ лăплансан капитан Дмитриев Совет Çарĕн Германири чаçĕсенче хĕсметре тăрать. 1947 çулта хĕсметрен тухать.

1947-1954 çулсенче вăл Элĕкри ватам шкула военрук тата географи вĕрентӳçи пулса ĕçлет. 1954 çулта

1954 çулта Хусантти патшалăх педагогика институтĕнчен кĕрет мар йĕркепе вĕренсе тухать. 1954-61 çулсенче П. Дмитриев — Канашри шкул-интернат директорĕ. 1965-1966 çулсенче — ЧАССР çутĕç министăрĕн çумĕ. Ун хыççăнхи çулсенче — вĕрентӳçĕсен пĕлĕвне ӳстерекен институт методисчĕ, Шупашкарти 32-мĕш №-лĕ тата 6-мĕш №-лĕ шкулсенчи географи верентӳçи.

1984 çултанпа — тивĕçлĕ канура.

1992 çулхи чӳкĕн 7-мĕшĕнче куçне ĕмĕрлĕхех хупать.

Чысĕсем

• Хĕрлĕ Ялав орденĕ
• Хĕрлĕ Çăлтăр орденĕ
• Богдан Хмельницкий орденĕ (3-мĕш степенĕ)
• Тăван Çĕршывăн Аслă вăрçин орденĕ (2 хутчен)
• медальсем;
• Раççей Федерацийĕн тава тивĕçлĕ вĕрентӳçи.
• Чăваш Республикин тава тивĕçлĕ вĕрентӳçи.

Вуламалли

• Л. И. Ефимов, "Элĕк Енĕ", Элĕк, 1994.