Казахстан ялавĕ

«Википеди» ирĕклĕ энциклопединчи материал
Перейти к навигации Перейти к поиску
Казахстан ялавĕ

Хальхи Казахстан ялавне 1992 çулхи çĕртме уйăхĕн 4 йышăннă. Унăн тĕсĕ сенкер тĕслĕ. Ылтăн хĕвелпе амăрт кайăк Республикăн ирĕклĕхне, нихама та пăхăнманнине кăтартать.

Ăнлантарăвĕ[тӳрлет | кодне тӳрлет]

Ялав тӳрĕ кĕтеслĕ пусма пек курăнать. Тĕсĕ синкер. Варринче хĕвел, хĕвел айĕнче ăмăрт кайăк вырнаçнă. Ялав патакки патĕнче çӳлтен аялалла хăю сарлакăшлĕ халăх орнаменчĕ вырнаçнă. Орнаментчĕ, хĕвелĕ тата ăмăрт кайăкĕ ылтăн тĕслĕ. Сарлакăшĕ çуллĕшне 2:1 пек пайланать.

Пĕр тĕс — Казахстан халăхĕн пĕрлĕхне кăтартать. Сенкер тĕс вара тĕрĕк халăхĕсен тĕсĕ шутланать. Ялав çинче вăл вĕçĕ хĕррисĕр тӳпене, çавăн пекех килĕшсе пурăннине, лăплăлăха тата пĕрлĕхе катартать.

Хĕвел — пĕтĕм чĕр чуна пурнăç паракан, çавăнпа та вăл пурнăç паллине кăтартать. Куçан халăх вăхăта хĕвел тăрăх пĕлет. Геральдика саккунĕ тăрăх хĕвел пуянлăхпа çитлĕхе кăтартать. Çавăн па та пур 32 хĕвел пайăрки те тырă евĕрлĕ.

Амăрт кайăк куçан халăхшăн уйрăм вырăн йышăнать. Ăна ялав çинче ӳкересси кунта пурăнакан халăхсен тахçанах йăлара пулнă. Хирте пурăнакан халăхшăн ку ирĕклĕх палли, тĕлленĕ тĕл патне туртăнасси, малашлăха вĕçесси. Тапĕр енчен илсен ăмăрт кайăк вăйлă кайăк шутланать, кам-та кам малашлăха утма чăрмантарать, çавсенне пурне те хирĕç тăма пултарать. Ăсăрт кайăк силуэчĕ Казахстан халăхĕ тĕнче цивилизациĕн çӳллĕшĕ хăпарасси тĕллевне кăтартать.

Çавăн пекех пăхăр[тӳрлет | кодне тӳрлет]

  • Казахстан гимнĕ
  • Казахстан гербĕ