Сара Вагенкнехт союзӗ

Сара Вагенкнехт союзӗ (ним. Bündnis Sahra Wagenknecht, BSW) - Германири политика партийӗ. Парти 2023 ҫулхи авăн уйӑхӗнче Сулахай партирен уйрӑлнӑ, официаллӑ майпа 2024 ҫулхи нарӑс уйӑхӗнче йӗркеленнӗ. Бундестагри сулахай партин вунӑ членӗ ҫӗнӗ партие хутшӑннӑ. 2024 ҫулхи Европарламент суйлавӗнче, Саксонипе Тюрингири регион суйлавӗсенче Сара Вагенкнехт союзӗ сулахай партирен ӑнӑҫлӑрах пулнӑ.

Сара Вагенкнехт союзӗ Сулахай партирен уйрӑлнӑ, мӗншӗн тесен критиксем Сулахай партие ӗҫ политикине тата рабочи класа пӑрахнӑ тесе айӑпланӑ. Сара Вагенкнехт союзӗ АПШ тата НАТО вӑйлӑ витӗмне критиклет.

Парти ертӳҫисем — Сара Вагенкнехт тата Амира Мохамед Али.