Сӳтсе явасси:Уйăх (Çĕр çулташĕ)

Ҫулташ?

Ҫулташ = ҫула пӗрле тухнӑ ҫын. Ҫавна май кунта вӑл пач каймасть. Вырӑнсӑр. Тӗнче уҫлӑхӗнчи унашкал япаласем валли «Уҫлӑхташ» термин сӗннӗччӗ. Унсӑр пуҫне «Ҫӗр уҫлӑхташӗ» ҫителӗксӗр пуль. Планета ячӗ чӑвашла «Ҫӗр чӑмӑрӗ», ҫавна май «Ҫӗр чӑмӑрӗн уҫлӑхташӗ» теме сӗнетӗп. Николай Плотников ^{(ыйтса пĕлĕр)} 09:07, 9 Юпа уйӑхӗн 2023 (UTC)

Уйăх уçлăхра Çĕрпе пĕрле (çулташ пулса) куçать

Халь вара çав -таш аффикс еплерех «ĕçленине» пăхса тухар. Пĕр ретре тăраакан ăнлавсем пур: Пĕрремĕш Чăваш, Иккĕмĕш Чăваш, Виçĕмĕш Чăваш, Тăваттăмĕш Чăваш, .... Камсем вĕсем? Йăхташсем. Вĕсене мĕн пĕрлештерсе тăрать? Пĕрлештерекенни — йăх. Пĕр йăх.

Ентеш тенинче ен пĕрлештерет. Пĕр ен. Пĕр енрен. Пĕр енри çынсем. --Ellodanis5 (сӳтсе явни) 23:41, 24 Раштав уйӑхӗн 2023 (UTC)

Спутниксене мĕн пĕрлештерет? Уçлăх-и? Çук, вăл мар. Ытлашши анлă ăнлав. Тĕнчере мĕн пурри — пурте уçлăхра. Спутниксем çеç мар. --Ellodanis5 (сӳтсе явни) 23:41, 24 Раштав уйӑхӗн 2023 (UTC)

Эппин мĕн пĕрлештерет-ха спутниксене? Вĕсене çул çеç пĕрлештерме пултарать. Пысăкрах ĕскерĕн çулĕ. Пурте вĕсем пысăкрах ĕскер тавра çаврăнаççĕ. Кашни хăйĕн орбитипе, анчах хайхи ĕçкер тавра. Çав вăхăтрах вĕсем леш пысăк ĕскертен хăпмаççĕ. Тĕнче уçлăхĕн талккăшĕнче Çĕр чăмăрĕ ăçталла каять, Уйăх та çавăнталлах талпăнать. Вăл, тавра çаврăнть, çавăнпа пĕрлех, Çĕртен хăпса пач урăх еннелле пăрăнса кайма пултараймасть. Çавăнпа Уйăх — Çĕрĕн çулташĕ. Уйрăлми çулташ. Çĕр тавра çаврăнкана космос карапĕсем те — Çĕрĕн çулташĕсем. Çĕр тавра вĕçеççĕ, анчах унран хăпмаççĕ. --Ellodanis5 (сӳтсе явни) 23:41, 24 Раштав уйӑхӗн 2023 (UTC)

• Çĕрĕн спутникĕсене (чăннине тата юриллисене) Çĕрĕн çулĕ пĕрлештерет (Çĕр, паллă ĕнтĕ, Хĕвел тавра çаврăнать). Марс спутникĕсене Марс çулĕ пĕрлештерет. Юпитер спутникĕсене Юпитер çулĕ çулĕ пĕрлештерет. Тата ытти те. --Ellodanis5 (сӳтсе явни) 04:48, 25 Раштав уйӑхӗн 2023 (UTC)
• Ют çĕршывсенче сателлит теççĕ. Авалхи Римра вăл сăмах ÿт сыхлавçине пĕлтернĕ. «Ӳт» (Хуçа) ăçта — унăн сыхлавçи те çавăнта. Ялан çумра, ялан сыхлать. --Ellodanis5 (сӳтсе явни) 04:48, 25 Раштав уйӑхӗн 2023 (UTC)