Чăваш Енри Элĕк районĕн гимнĕ

Элĕк районĕн гимнĕ

("Сурăмпала Вылă хушшинче" юрăран)

Сăмахĕсем Александр Галкинăн

Кĕвви Юрий Кудаковăн

1.

Сурăмпала Выла хушшинче —

Чăн чăваш çĕр-шывĕ çак тĕнче.

Симĕс пурçăн — ешĕл вăрмансем.

Çутă капăр кӳлĕ-пĕвесем.

Хушса юрламалли:

Элĕк ен ку, аслă Элĕк ен

Ытарайми илемлĕ таван ен!

Ӗмĕрне те тухмăн чĕререн.

Кăмăла çĕкле хĕвеллĕ ен!

2.

Юнтапапа Тукташ хушшинче —

Илĕртӳллĕн ешерет тĕнче.

Сар чечеклĕ — улăх çарансем,

Шур чечеклĕ — улма пахчисем.

3.

Ямашапа Тени хушшинче —

Çĕнтерӳллĕн çĕнĕлет тĕнче.

Килсерен хисеплĕ ĕçченсем,

Ялсерен — мухтавлă маттурсем.