Чăн куккуксем
Чăн куккуксем (лат. Cuculinae) — куккук евĕрлисен (Cuculidae) кĕçĕн çемьин кайăкĕсем. Тăршшĕ 15 - 70 см. Сăмси кукăр. Хÿри яланхи тенĕ пек вăрăм, картлашкаллă, хăш пĕрисен сенĕк евĕрлĕ. Урисем кĕске, 4-мĕш пÿрни хыçалла çаврăнма пултарать; çĕр çинче пурăнаканнисен урисем вăрăмтарах. Кĕске те çăра тĕклĕ; тĕсĕ ытларах чух сăрă, хура, шурă е хăмăр. Аçисемпе амисен тĕкĕ пĕрне май тĕслĕ.