Ван Гог Винсент

Винсент Ван Гог
	Винсент Ван Гог
	гол. Vincent Willem van Gogh
	; Винсент Ван Гог сăнарĕ, Д. П. Расселл 1886
Çуралнă вăхăт:	1853, пуш, 30
Çуралнă вырăн:	Зюндерт
Вилнĕ вăхăт:	1890, утă, 29
Вилнĕ вырăн:	Овер-сюр-Уаз
Жанр:	Тĕрлĕ енлĕ сăнар ĕçĕ
Вĕренӳ:	Брюссельти тата Антверпенри Илем академийĕ
Стиль:	импрессионизм хыçалхи тапхăрĕ
	Викиампарти ĕçсем

Винсент Виллем Ван Гог (гол. Vincent Willem van Gogh, 1853-мĕш çулхи пуш уйăхĕн 30-мĕшĕ, Грот-Зюндерт, Нидерланд - 1890-мĕш çулхи утă уйăхĕн 29-мĕшĕ, Овер-сюр-Уаз, Франци) — пĕтĕм тĕнче пĕлекен нидерланд-француз ÿнерçи, импрессионизм хыçалхи тапхăрĕн элчи.

Ачапа яшлăх çулĕсем

Винсент Ван Гог Бреда çывăхĕнче, кăнтăр Нидерландăн Çÿрçĕр Брабант пайĕнче, Бельги чиккипе юнашар вырнаçнă Грот-Зюндерт (нидерл. Groot Zundert), ялĕнче çуралнă. Кил-йышĕ пысăк пулнă. Ашшĕ, Теодор Ван Гог протестант пасторĕ пулнă. Амăшĕ, Анна Корнелия Карбентус, Гаагари хисеплĕ кĕнеке сутавçин хĕрĕ пулнă. Анна Корнелия çемçе кăмăллă, илемлĕхе ăнланакан хĕрарăм, хăй те ÿкерме юратнă; пур ачисем те унран илемлĕх туйăмне еткерсе илнĕ. Винсент хăйне май кăмăллă ача пулнă, малтанах килти çутĕç илнĕ.

1864-мĕш çулта Зевенбергенти шкул-интернатра вĕренме пуçлать. Тăван килтен уйăрăлни унăн чунне йывăр амантнă.
1866 -1868-мĕш çулсенче Тилбургри II-мĕш Виллем ячĕллĕ колледжра вĕренет. Винсента франц, анкăл, нимĕç чĕлхисене вĕренме çăмăл пулать. Кунта вăл ÿкерме те вĕренет.
1869 - 1876-мĕш çулта Винсент Гаагари Goupil & Cie ятлă илемлĕ ÿнер ĕçĕсене сутса-илекен вырăна сутуçă пулса ĕçлет. Пĕр вăхăт хушши ун ĕçĕсем тăвалла пыраççĕ. Ĕç енĕпе Лондонра пулать, унти музейсенче Жан-Франсуа Милле тата Жюль Бретон ĕçĕсемпе киленет. Парижра Салонпа Луврти куравсене çÿрет. Вăл илемлĕ сĕçĕсен шайне ăнкаракан пулать. Суту-илÿ ĕçĕпе кăсăкланми пирки ĕçĕсем япăхса каяççĕ. Ырă ĕçсем тăвас шухăш-кăмăл ăна тĕн ĕçченĕ пулма хавхалантарать.
1876 - 1878-мĕш çулсенче тĕрлĕрен ĕç-пуç туса аппаланать, ниçта та чун туртакан ĕç тупса лăпланаймасть.

Ӳнерçĕ пулса тăни

1880-мĕш çулсенче ÿнерçĕ пулас тесе çирĕп шухăш тытать. 1880-1881-мĕш çулсенче Брюссельти, 1885-1886-мĕшĕсенче Антверпенри Илем академине вĕренме çÿрет, Антона Мауве ÿнерçĕ канашĕсемпе усă курать, кăмрăк чавса кăларакансене, хĕресченсемпе тĕрлĕ ĕç çыннисене ÿкерет. «Хĕресчен хĕрарăмĕ» (1885), Крёллер-Мюллер музейĕ, Оттерло; «Çĕрулми çиекенскем» (1885), «Нюэненри кивĕ чиркÿ тăрри» (1885), «Пушмаксем» (1886), Винсент ван Гогăн Музейĕ, Амстердам). Ку ĕçсенче ÿнерçĕ тĕттĕм сăрăсемпе усă курать, ĕç халăхĕн йывăр пурнăçне кăтартать.
1886-1888-мĕш çулсенче Парижра Ван Гог Европари паллă вĕрентекен П. Кормонăн ĕç лаççине çÿренĕ, импрессионизм юхăмĕн ÿнер ĕçне, япони гравюрине, Поль Гогенăн хайлавĕсене тишкернĕ. Çак тарантан ÿнерçĕн сăрă тĕссисем çуталса пыраççĕ, сенкер, ылтăн-сарă, хĕрлĕрех тĕссем хушăнаççĕ, вăл хăвăрт та вĕтĕ, юхса пынă пек мелĕпе сĕрме пуçлать «Агостина Сегатори «Тамбурин» кафере» (1887-1888), «Сена урлă кĕпер» (1887), Винсент ван Гогăн Музейĕ, Амстердам; «Танги атте» (1887), Роден музейĕ, Париж, «Париж çине Лепик урамĕнчи Тео хватерĕнчен пăхни» (1887), Винсент ван Гогăн Музейĕ. Париж тапхăрне «Мольберт умĕнчи хăйĕн сăнарĕ» вĕçлет.

Юлашки çулсем. Пултарулăхĕ ÿссе аталанни.

1888-мĕш çулта вăл Арль хулине çитет. Халĕ вăл тинех хăйĕн меслечĕпе алне тупса палăртнă. Кăвар чĕреллĕ илем туйăмĕ, телей патне ăнтăлни, çав вăхăтрах çына хирĕç тăракан вăйсенчен шикленни, хĕвеллĕ тĕссемпе çуталса тăракан кăнтăрти çутçанталăк сăнарĕсенче те («Сарă çурт» (1888), «Гогенăн Кану пуканĕ» (1888), «Вырни. Ла-Кро лапамĕ» (1888), Винсент ван Гогăн Музейĕ, Амстердам), те çĕрлехи шиклĕ туйăма асаилентерекен («Каçхи кафе» (1888), Крёллер-Мюллер музейĕ, Оттерло); чун кĕртсе пурнăçпа тултарат: («Арлти хĕрлĕ виноград сачĕсем» (1888), А. С. Пушкин ячĕллĕ Патшалăх илемлĕ ÿнер музейĕ, Мускав), («Ван Гогăн Арлти çывăрмалли пÿлĕмĕ» (1888), Винсент ван Гогăн Музейĕ, Амстердам). Пурнăçĕн юлашки эрнинчеВан Гог паллă ĕçне: «Улакураклă тулă уйĕ» ÿнерет...
1890-мĕш çулхи кăрлач кăларăмĕн «Меркюр де Франс» журналта Ван Гогăн «Арлти хĕрлĕ виноград сачĕсем» çинчен пăрремĕш тишкĕрÿллĕ Альбер Орье хăпартланса хайланă çыравĕ тухнă.
Шутсăр нумай та йывăр ăçлени тата хăйне тĕрĕс тытманни (абсент ĕçсе супнă), Ван Гога юлашки çулсенче чун чирĕ аптратма пуçлать. Унăн сывлăхĕ япăхланать, вăл чун чирĕпе аптракансене сиплекен Арлти çурта лекет, унтан Сен-Реми-де-Провансри (1889-1890), каярах Овер-сюр-Уазри çуртсенче сипленет, кунта вăл Гаше докторпа (ÿнерçĕ), паллашать. Унтах вăл утă уйăхĕн 1890-мĕш çулхи 27-мĕшĕнче перĕнет, хăйех больницана çитет, аманнă хыççăн 29 сехет иртсен, юн çухатнинчен вилсе каять. Винсент Ван Гога Овер-сюр-Уаз çăвинче пытарнă.

Курав речĕ

Олива йывăççисем 1889
Кивĕ арман 1888
Улакураклă тулă уйĕ 1890
Тулă уйĕ 1888
Оверти чиркÿ 1890
Çуртсем çине хыçран пăхсан
Каçхи кафе террасси, Арль1888
Каçхи кафе 1888
Хĕвелçаврăнăшсем 1888
Оверти çуртсем 1805
Ван Гогăн Арлти çывăрмалли пÿлĕмĕ 1889
Ирис чечекĕсем 1889
Çĕкленекен кĕпер 1888
Госпиталь килкÿлĕмĕ 1889
Кимĕсем 1888
Кипариссем 1889
Арль çине пăхни 1889
Ла Кро тата Монтмажур таврашĕ 1888
Хĕвелçаврăнăш уйĕнчи кипариссем 1889
Груша йывăçĕ 1888
Стаканри чечекленекен миндаль турачĕ 1888

Вуламалли

Винсент Ван Гог Письма, — Санкт-Петербург, «Азбука», 2000
Мурина Е. Ван Гог — М., «Искусство», 1978

Асăрхавсем

Каçăсем

Искусство Ван Гога 2020 ҫулхи Ҫурла уйӑхӗн 6-мӗшӗнче архивланӑ.
Сайт, посвящённый творчеству и биографии Ван Гога
Голландский период Ван Гога 2020 ҫулхи Авӑн уйӑхӗн 22-мӗшӗнче архивланӑ.
Полная галерея картин Ван Гога на Gallerix.ru
Винсент Ван Гог DMOZ-ра

п • с • т Винсент Ван Гог
Килйыш	Вил Ван Гог (йăмăкĕ) • Тео Ван Гог (брат) • Тео Ван Гог (праправнук Тео) • Клазина Мария Хорник (Син)

Тусĕсем	Эмиль Бернар • Поль Гаше • Поль Гоген

Çырнисем	Скорбь (1882) • Вид на море у Схевенингена (1882) • Луковичные поля (1883) • Сад священника в Нюэнене весной (1884) • Выход из протестантской церкви в Нюэнене (1884—1885) • Едоки картофеля (1885) • Старая церковная башня в Нюэнене (1885) • Череп с горящей сигаретой (1885—1886) • Пушмаксем (1886) • Вид на Париж из квартиры Тео на улице Лепик (1887) • Портрет Папаши Танги (1887) • Агостина Сегатори «Тамбурин» кафере (1887—1888) • Хĕвелçаврăнăшсем (1887—1888) • Снежный пейзаж (1888) • Вид Арля с пшеничного поля (1888) • Урожай (1888) • Зуав (1888) • Валуны и дуб (1888) • Закат в Монмажуре (1888) • Интерьер ресторана в Арле (1888) • Сарăх пӳрт (1888) • Звёздная ночь над Роной (1888) • Ночная терраса кафе (1888) • Çĕрлехи кафе (1888) • Тропинка в городском парке Арля (1888) • Алискан (1888) • Ӳкерçĕ амăшĕн портречĕ (1888) • Эттенри пахча пирки асаилнисем (1888) • Красные виноградники в Арле (1888) • Кресло Гогена (1888) • Сеятель (1888) • Арлезианка (1888) • Арена в Арле (1888) • Винсент сĕвен пуканĕ (1888) • Провансри ферма (1888) • Çамрăк япун хĕрĕ (1888) • Ваза с олеандрами (1888) • Падающие осенние листья (1888) • Спальня в Арле (1888—1889) • Портрет доктора Феликса Рея (1889) • Краб, лежащий на спине (1889) • Автопортрет с отрезанным ухом и трубкой (1889) • Бражник мёртвая голова (1889) • Ирисы (1889) • Куст (1889) • Звёздная ночь (1889) • Пшеничное поле с кипарисом (1889) • Портрет госпожи Трабюк (1889) • Пьета (1889) • Автопортрет без бороды (1889) • Пейзаж с домом и пахарем (1889) • Пейзаж в Сен-Реми (1889) • Вид лечебницы и церкви Сен-Поль де Мозоль в Сен-Реми (1889) • Луг в горах: ферма Сен-Поль (1889) Кипарисы (1889) • Большие платаны (1889) • Поле с зелёной пшеницей и кипарисом (1889) • Дорога в Сен-Реми с женской фигурой (1889) • Цветущие ветки миндаля (1890) • Прогулка заключённых (1890) • На пороге вечности (1890) • Дорога с кипарисом и звездой (1890) • Хижины (1890) • Белый дом ночью (1890) • Церковь в Овере (1890) • Пейзаж в Овере после дождя (1890) • Портрет доктора Гаше (1890) • Девушка в белом (1890) • Розовые розы (1890) • Ваза с розовыми розами (1890) • Пейзаж в Овере в дождь (1890) • Пшеничное поле с воронами (1890) • Корни деревьев (1890)

Пухнисем	Ван Гог музейĕ • Крёллер-Мюллер музейĕ • Орсе музейĕ

Ван Гог пирки	Ван Гог (фильм, 1948) • Жажда жизни • • роман • фильм • Винсент тата Тео • Ван Гог (фильм, 1991) • Ван Гог. С любовью, Винсент • Ван Гог. На пороге вечности