Уй çерçийĕ
«Википеди» ирĕклĕ энциклопединчи материал
Уй çерçийĕ - ял çерçийĕнчен кăшт пĕчĕкрех. Уйри, ял-хула хĕрринчи вăрмансемпе парксене, йывăç катисене килĕштерет. Çĕр чĕкеçĕсен йывисене те тиркемест. Çăмартисем (5-8) шупка шурă е сăрăрах тĕслĕ, тĕксĕм пăнчăсемлĕ. Ытларах йывăç хăвăлĕсемпе вĕллесенче йăва çавăраççĕ. Çу каçа икĕ-виçĕ хутчен чĕп кăларма ĕлкĕреççĕ. Хĕл каçма вĕçсе каймаççĕ. Чăвашра вĕсен йышĕ пысăк. Кĕр енне тырă пуссисене тапăнса пысăк сăтăр тăваççĕ.
