Антипов Пётр Григорьевич

	Антипов Пётр Григорьевич
	Ӳкерчĕк:П. Г. Антипов.jpg
Çуралнă вăхăт	1920, раштав, 26
Çуралнă вырăн	Псков кĕпĕрни, РСФСР е Ватă Ладога, Çĕнĕ Ладога уесĕ, Петроград кĕпĕрни, РСФСР
Вилнĕ вăхăт	1993
Вилнĕ вырăн	Волхов
Пăхăнулăх	ССРП
Хисеп	гварди Старшина
Çапăçусем/вăрçăсем	Тăван Çĕршывăн Аслă вăрçи
Отставкăра	вăрманçă

Пётр Григо́рьевич Анти́пов (26.12.1920 — 21.10.1993) — Социализм Ĕçĕн Паттăрĕ, Тăван Çĕршывăн Аслă вăрçин ветеранĕ, вăрманçă, Волхов вăрман хуçалăхĕн директорĕ.

Биографи

1920 çулхи раштавăн 26-мĕшĕнче Псков облаçĕнче (урăх хыпарпа — Петроград кĕпĕрнине кĕнĕ Ватă Ладогăра) вăрман ĕçлевçисен çемьинче çуралнă.

Тихвинри вăрман техникумне вĕренме кĕнĕ, анчах та вăрçă лăпкă пурнăçа пăсса хунă. Пётр Григорьевич танк çарĕсенче перевçĕ-радист гварди старшина пулса çапăçнă. Мускава хӳтĕленĕ, Сталинград патĕнче, Ржев тата Брянск тĕлĕшĕнче çапăçнă. 1945 çулхи кăрлачăн 8-мĕшĕнче Польшăри çапăçура йывăр аманнă, икĕ урине тата икĕ ал лапине ампутациленĕ.

Вăрçăна пĕтсен, техникумра вĕренсе тухнă та 7 çул вăрманçă вырăнĕнче тăрăшнă, çав вăхăтрах ĕçе пăрахмасăрах Ленинградри вăрман техника академинче аслă пĕлӳ илнĕ. I группăри инвалид пулсан та, П. Г. Антипов 40 çула яхăн Волхов вăрман хуçалăхĕнче ĕçленĕ. 1966 çулта вăл, вăрман хуçалăхне пысăк ӳсĕм кӳнĕшĕн Социализм Ĕçĕн Паттăрĕ ятне тивĕçнĕ.

Волхов районĕнчи Ватă Ладогăра пытарнă.

Асăнмалăх

А. Орлов режиссёр «Пётр Антипов. Судьбы людские» документлă фильм ӳнерленĕ. Славян фильмĕсен «Медный витязь» тĕнчери фестивалĕнче çак ĕç виççĕмĕш премие çĕнсе илнĕ.
1993 çулта П. Г. Антипов ячĕллĕ приза тивĕçмешкĕн кашни çул раççей вăрман хуçалăхĕсем конкурс ирттереççĕ.
Унăн ятне Волхов юханшывĕн сылтăм çыранĕнче «Валимский рубеж» мемориал патĕнче вăрман паркне палăртнă^[1].

Чыслани

Социализм Ĕçĕн Паттăрĕн «Çурлапа Мăлатук» медалĕ (1966)
«Хăюлăхшăн» медаль (1942)
2 «Çапăçури хастарлăхшăн» медаль (1944, 1944)
Хĕрлĕ Çăлтăр орденĕ (1944)
3 степеньлĕ Мухтав орденĕ (1945)
Ленин орденĕ (1966)
Тăван Çĕршывăн вăрçин I степеньлĕ орденĕ (1985)
Хĕрлĕ Ялав орденĕ (9.11.1947)
РСФСР тава тивĕçлĕ вăрман пăхаканĕ^[2]
Волхов хулин хмсеплĕ гражданĕ^[3].

Асăрхавсем

^ Назван именем П. Г. Антипова. Администрация Волховского муниципального района Ленинградской области (2010-09-17). Тĕрĕсленĕ 21 Кӑрлач уйӑхӗн 2014.
^ Антипов П. Г. // Заря. — 2009.
^ Танкист Петр Антипов- Ленинградский Мересьев. Государственный мемориальный музей обороны и блокады Ленинграда. Часть 5. Тĕрĕсленĕ 21 Кӑрлач уйӑхӗн 2014.

Литература

Антипов Пётр Григорьевич «Патшалăх паттăрĕсем» сайтĕнче

Антипов Пётр Григорьевич // Энциклопедия лесного хозяйства. — М.: ВНИИЛМ, 2006. — Т. 1. — ISBN 5-94737-022-0
Имена на карте Ленинградской области 2010 г.: краеведч. календарь / Краеведч. отд. ЛОУНБ; сост. Е. Г. Богданова, И. А. Воронова, Н. П. Махова. — СПб.: 2009. — 35 экз. Архиври копи, 1 Нарӑс уйӑхӗн 2014 Wayback Machine çинче

[1] Назван именем П. Г. Антипова. Администрация Волховского муниципального района Ленинградской области (2010-09-17). Тĕрĕсленĕ 21 Кӑрлач уйӑхӗн 2014.

[2] Антипов П. Г. // Заря. — 2009.

[3] Танкист Петр Антипов- Ленинградский Мересьев. Государственный мемориальный музей обороны и блокады Ленинграда. Часть 5. Тĕрĕсленĕ 21 Кӑрлач уйӑхӗн 2014.

[1]

[2]

[3]