Ассасинсем

Ассасинсем (перс. حَشّاشین, арап. الحشَّاشين, al-Ḥaššāšīn) — XI−XIII ĕмĕрсем хушшинче Хальхи Иран тата Сири тăвĕсенче пулнăскер, исмаилит-низарит уйрăм патшалăхĕн тĕн-çар пĕрлешĕвĕн çыннисем. Исламăн шиит юхăмне кĕрекен исмаилит ушкăнĕнчи çар çыннисем хăйсен тĕллевĕсене пурнăçлас тесе уççăн çапăçман, вăрттăн ĕçленĕ. Çавна пула хăйсен политика тăшманĕсене, пуринчен малтан, суннăллă Сельджуксене, питĕ ăнăçлă чăрмантарнă.