Догри
Догри, — инди-европа чĕлхи. Ку чĕлхепе Индин Джаммупа Кашмир штатĕнче (Джамму хули патĕнче) пурăнакан 2,1 млн çын калаçать. Çавăн пекех ку чĕлхепе калаçакансем Индин Химачал Прадешпа Пенджаб штатĕсенче, Пакистанра пурăнаççĕ. Индин 23 официаллă чĕлхесен шутне кĕрет.
ISO 639-2 тăрăх унăн кочĕ — doi.
Маларах ăна пенджаби чĕлхин диалекчĕ тесе шутланă.
Унăн такри ятлă хăйĕн çыруллахĕ пулнă, анчах хальхи вăхăтра деванагари шрифтпа усă кураççĕ. Çавăн пекех арап чĕлхинчен тухнă насталик шрифчĕпе те усă кураççĕ.
Чĕлхе историйĕ
[тӳрлет | кодне тӳрлет]Чĕлхе Саурасени чĕлхинчен аталанса кайнă. Сăмахсен никĕсĕ санскритран тухать пулин те чĕлхере арап, перс, акăлчан тата тĕрĕк чĕлхисенчен кĕнĕ сăмахсем нумай. Ку чĕлхе çинчен чи авал çырса хăварнă хутсем шутне Амира Хусро (1253-1325) сăвăç ĕçĕ кĕрет. Вăл хăйен ĕçĕнче Индин çурçĕр енчи пур чĕлхене асăнса хăварнă. Хăш-пĕр сăмахĕсем XII ĕмĕрте çырса хăварнă çыру палăкĕсем синче тĕл пулаççĕ.
Ку чĕлхепе литературăна аталантараканнисем шутне хальхи вăхăтри Падма Сачдев çыравçăна кĕртме пулать.
 Ĕнчĕн официаллă чĕлхисем |
|
|---|---|
| Федераци шайĕнче | |
| Штатсен шайĕнче | |