Жданка (Пахра юппи)

Жданка — Раҫҫейӗн Мускав облаҫӗнчи юханшыв, Пахрӑн сылтӑм юппи.

Раменск районӗпе тата Домодедово хула округӗн лаптӑкӗпе юхса иртет. Юпписем — Мураниха (сулахайри) тата Щадра (сылтӑмри).

Юханшыв хӗрринче ҫак ял-хула пур — Кӗҫӗн Саврасово, Аслӑ Володарка, Плетениха, Новлянски, Яковлевски, Ждановски, Сельвачево, Шувайлово, ҫавӑн пекех икӗ ҫӑва — Рождественски тата Георгевски — вырнаҫнӑ. Юханшывӑн тури юхӑмӗнче Ждановски шыв управне йӗркеленӗ.

Тӑршшӗ — 12 ҫухрӑм, шыв бассейнӗн лаптӑкӗ — 72,4 тӑваткал ҫухрӑм. Тӳремлӗхпе юхакансен йышне кӗрет. Ытларах енӗпе юр шывӗпе тулать. Чылай чухне чӳк варринче пӑрланса ларать, ака уйӑхӗн варринче пӑртан тасалать.

Жданка питӗ илемлӗ айлӑмпа юхса иртет, ун тавра ҫарансемпе уйсем, хурӑнпа ӑвӑс катисем вырнаҫнӑ.