Майков Евгений Иванович
Майков Евгений Иванович - генерал-лейтенант (1968). 1913 çулхи нарăсăн 19-мĕшĕнче Чĕмпĕр кĕпернинчи Чăнлă районĕнчи Çĕнĕ Улхаш ялĕнче çуралнă.
Кун-çулĕ
[тӳрлет | кодне тӳрлет]Ача çулĕсем Патăръел районĕнчи Çĕнĕ Ахпӳрт ялĕнче иртнĕ. 16 çултанпа пысăк стройкăсенче ĕçлет (Шатура, Мосстрой - 1928-1929). Кайран Магниткăра бетонщиксен бригадирĕнче ĕçлет.
1936-1941-мĕш çулсенче Уралти индустри институтĕнче вĕренет. Кайран Свердловск облаçĕнчи пысăк заводра- тĕп инженер. Вăрçă вăхăтĕнче - полк, бригада, дивизи тата корпус инженерĕ.
Вăрçă хыççăн Çар-политика академипе аспиратуринчен вĕренсе тухать. Çар ăслăлăхĕсен кандидачĕ ятне хӳтĕлет.
"Военно-инженерный журнал" редакцинче, Совет Çарĕн инженери çарĕсен штабĕнче ĕçлет.
1961 çултан çар-строительство органĕсен ертӳçи:округ командирĕн строительство енĕпе ĕçлекен çумĕ, пĕр тĕп управленин пуçлăхĕ. Генерал-майор званине 1962 çулта илет, генерал-лейтенанта - 1968 çулта.
1999 çулхи çĕртме уйăхĕн 9-мĕшĕнче вилет.
Чысĕсем
[тӳрлет | кодне тӳрлет]- Хĕрлĕ Çăлтăр орденĕ - 2 хут.
- 1-мĕш степеньлĕ Тăван Çĕршывăн Аслă вăрçи орденĕ - 2 хут.
- Болгарин "Хăюллăхшăн" орденĕ.