Тăваткалла вăтам пăрăнав

Тăваткалла вăтам пăрăнав пулаяслăхсен теорийĕнче тата статистикăра — ăнсăрт кап пĕлтерĕшĕсен математикăлла кĕтев (вăл вара вĕçсĕр шутлă пулăмсен арифметикăлла вăтаммин аналогĕ) тĕлĕшĕнчи сапаланăвне сăнлакан чи анлă сарăлнă кăтарту. Ытларах чухне ку ăнсăрт капăн дисперсийĕнчен илнĕ тăваткалла тымар, анчах тепĕр чухне урăхларах та пулма пултарать.

Литературăра, йăлана кĕнĕ тăрăх, грекла $\sigma$ (сигма) саспаллипе паллă тăваççĕ. Статистикăра икĕ тĕрлĕ паллă тăву: $\sigma$ — генераллĕ йышшăн тата sd (акăл. standard deviation — стандартлă пăрăнав) — суйланăлăхшăн.

Çапла вара, каланă пекех, тăваткалла вăтам пăрăнав ăнсăрт капăн дисперсийĕн иккĕмĕш капашри тымарĕ пек палăрăнать: $\sigma ={\sqrt {D[X]}}$.

Çавăн пекех

• Ăнсăрт капăн дисперсийĕ
• Генераллĕ йыш
• Суйланăлăх
• Вариаци (статистика)
• Абсолютлă пăрăнав

Литература

• Боровиков В. STATISTICA. Искусство анализа данных на компьютере: Для профессионалов / В. Боровиков. — СПб.: Питер, 2003. — 688 с. — ISBN 5-272-00078-1..