Воробьёв Алексей Иванович

	Алексей Иванович Воробьёв
Çуралнă вăхăт	1915 çул, юпан 12-мĕшĕ
Çуралнă вырăн	Çурлатăри ялĕ, Муркаш районĕ, Чăваш АССР РСФСР
Вилнĕ вăхăт	1952 çул, юпан 22-мĕшĕ 22.10.1952
Вилнĕ вырăн	Раççей Федерацийĕ
Пăхăнулăх	СССР
Çар ăрачĕ	пехота
Хĕсмет çулĕсем	1941—1945
Хисеп	Старшина
Чаç	1-мĕш Украина фрончĕн 3-мĕш гварди танк çарĕн 6-мĕш гварди танк корпусĕн 22-мĕш гварди мотоперевçĕсен бригадин инженер-мина роти
Командăланă	взвод
Çапăçусем/вăрçăсем	Иккĕмĕш Тĕнче вăрçи

Воробьёв Алексей Иванович — Совет Союзĕн Паттăрĕ^{[БС1 1]} , ^{[ГС 1]} , ^{[НЛ 1]}, 22-мĕш гварди мотострелок бригадин инженер-мина ротин взвод командирĕ (1-мĕш Украина фрончĕ, 3-мĕш гварди танк çарĕ, 6-мĕш гварди танк корпусĕ), гвардии старшини.

Кун-çулĕ

1915-мĕш çулта хальхи Муркаш районĕнчи Çурлатăри ялĕнче хреçчен кил-йышĕнче çуралнă. Чăваш. Муркашри вăтам шкултан вĕренсе тухнă. 1936-1939-мĕш çулсенче Хĕрлĕ Çарта хĕсметре пулнă. Кайран киле таврăнса колхозра ĕçленĕ.

Вăрçă пуçлансан каллех Хĕрлĕ Çара чĕнсе илнĕ. Тĕп, Брянск, Воронеж, 1-мĕш Украина фрончĕсенче çапăçнă. 1943-мĕш çултан ПРКП(б)/ССКП пайташĕ. 1945-мĕш çулхи çуркунне тĕлне Воробьев гварди старшини 22-мĕш гварди мотострелок бригадин инженер-мина ротин взвод командирĕ.

1945-мĕш çулхи акан 24-мĕшĕнче çĕрле Берлинти Тельтов каналĕ урлă ишсе каçса тăшманăн хӳтĕлев йĕрне тĕпченĕ. Плацдарм валли меллĕ вырăн тупса унта батальона каçарма пуçланă. Кимĕпе канал урлă 16 рейс тунă. Аманнă пулсан та стройрах юлнă. Плацдарăмра унăн взвочĕ уйри минăсене кăларса çул уçнă.

Вăрçă хыççăн Муркашри вăтам шкулта вĕрентӳçĕ пулса ĕçленĕ. Каярах ăна С. М. Буденный ячĕллĕ колхоз председетĕлĕ пулма суйланă. Колхозсене пĕрлештерсен пысăк хуçалăхăн председатĕлĕн çумĕ пулнă. Нумай хутчен район канашĕн депутатне суйланă, ССКП райкомĕн пайташĕ пулнă.

1952-мĕш çулхи юпан 22-мĕшĕнче ĕç тивĕçне пурнăçланă чухне сарăмсăр вилнĕ.

Чыславсем

Асăрхавсем

Биографи «Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 100 000 экз. — ISBN отс., Рег. № в РКП 87-95382» кĕнекере az-libr.ru сайтра.

^ Воробьёв Алексей Иванович. çăлкуçран архивланă 13 Ҫӗртме уйӑхӗн 2012.

Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 10 000 экз. — ISBN 5-203-01883-9» az-libr.ru сайтра.