Адрианов Константин Адрианович

«Википеди» ирĕклĕ энциклопединчи материал
Перейти к навигации Перейти к поиску
Адрианов Константин Адрианович
Ĕçлев тĕсĕ: педагог, вĕрентевçĕ
Çуралнă вăхăт: 1843 çулхи çавăн 20-мĕшĕ
Çуралнă вырăн: Шетмĕ,
Гражданлăх: Раççей
Вилнĕ вăхăт: 1909 çулхи çăвăн 9-мĕшĕ

Адрианов Константин Адрианович (1843-1909) — вĕрентевçĕ тата педагог.

Пурнăçĕ[тӳрлет | кодне тӳрлет]

Константин Адрианович Адрианов Чĕмпĕр кĕпĕрнинчи Пăва уесĕнчи Мăрат вулăсне кĕрекен Шетмĕ ялĕнче 1843 çулхи çу уйăхĕн 20-мĕшĕнче (кивĕ стильпе) çуралнă. Халĕ çак ял пирĕн района кĕрет. 1978 çулхи çу уйăхĕн 24-мĕшĕнче ăна юнашарти Ишлĕ ялĕпе пĕрлештернĕ.

Ăçта вĕренни[тӳрлет | кодне тӳрлет]

Чĕмпĕрти уес вĕрентĕшĕнче пĕлÿ илнĕ.

Ăçта ĕçлени[тӳрлет | кодне тӳрлет]

Тури Туçари вăтам шкулта ĕçленĕ (1863-1900). Уес училищинчен вĕренсе тухсан (1863 çулхи çурлан 1-мĕшĕ) Константин Адриановича Туçари халăх училищине учитель пулса ĕçлеме янă.

К.А.Адрианов Туçари халăх училищинче 1900 çулхи авăн уйăхĕн 12-мĕшĕччен ĕçленĕ. Кун хыççăн Пăва уесĕнчи Чурачăкра вăй хунă. Туçаран Мăрат вулăсĕнчи Чурачăкри училищĕне пуп хĕсĕрленине пула куçма тивнĕ. 1909 çулхи çу уйăхĕччен Хусан кĕпĕрнинчи Çĕрпỹ уесĕнчи Халайпуçĕнчи земство шкулĕнче ĕçленĕ. Халайпуç ялĕ каярахпа Çĕньял Чуракассипе сыпăннă (хальхи вăхăтра Красноармейски районĕнчи Шывпуç ял тăрăхне кĕрет).

Константин Адрианович Адрианов 1909 çулхи çу уйăхĕн 9-мĕшĕнче ỹпке шыççипе вилнĕ.

К.А.Адрианов çут ĕçĕнче 46 çула яхăн ĕçлесе те кĕпĕрнери земствăран хăйне пенси памалла тăвасса кĕтсе илеймен.

Чыславсем[тӳрлет | кодне тӳрлет]

1879 çулхи авăн уйăхĕн 5-мĕшĕнче Константин Адрианова халăха вĕрентес тĕлĕшпе тунă ĕç-семшĕн кăкăр çине хăюпа çакса çỹремелли "Тăрăшулăхшăн" кĕмĕл медальпе наградăланă.

Вуламалли[тӳрлет | кодне тӳрлет]

Каçăсем[тӳрлет | кодне тӳрлет]

Асăрхавсем[тӳрлет | кодне тӳрлет]