Алманчă халăх музейĕ

«Википеди» ирĕклĕ энциклопединчи материал

Алманчăри халăх музейĕПатăрьел районĕнчи Алманчăра вырнаçнă халăх музейĕ.

Чăваш Республикин культура, наци ĕçĕсем, информации политики тата архив ĕçĕсен Министерствин 25.05.2005 № 01-07/192 хушăвĕпе музея «Халăх музей» ятне тивĕçтернĕ.

Музей директорĕ - Васильев Василий Иванович, вĕреннипе - физикăпа производство никĕсĕсене вĕрентекен.

Музей тытăмĕ[тӳрлет | кодне тӳрлет]

Музейре 200 ытла кĕнеке пур. Вĕсене ял-йышпа хăнасем парнеленĕ.

Ача кӳми

Музейре умĕнхи пӳлĕмĕпе 7 экспозици пӳлĕмĕ.

8 пӳлĕмре 1100 ытла экспонат, вĕсенчен 700 чăн документсем тата 700 ытла урăх экспонатсем упранаççĕ. Умĕнчи пӳлĕмре ял мĕнле пуçланни, ял пурнăçĕ çинчи архив докуменчĕсем, XVII-XX мĕш ĕмĕрти ялти çын шучĕ çинчен пĕлме пулать.

Этнографи пӳлĕмĕ[тӳрлет | кодне тӳрлет]

Этнографи пӳлĕмĕнче ялхуçалăх хатĕрĕсем, çуртри куллен усă курмалли япаласем, анатри чăвашсен тумтирĕ. Кунта ача кӳми, тăрантас, пир-авăр тĕртмелли хатĕрсем пур.

Хресчен çурчĕн ăшлăхĕ

XX ĕмĕр варрин тапхăрĕ[тӳрлет | кодне тӳрлет]

Иккĕмĕш пӳлĕмре XX ĕмĕр варринчи хресчен çурчĕн ăшлăхне кăтартнă.

Колхоз ĕçĕ-хĕлĕн тапхăрĕ[тӳрлет | кодне тӳрлет]

Виççĕмĕш пӳлĕмре колхоз тума пуçланă вăхăчĕ тата шкул историйĕ çинчен пĕлме пулать. Кунта малтанхи председательсен списокĕ пур. Çакăнтах репрессине лекнĕ ял çыннисене асăннă.

Паллă ĕçченсем[тӳрлет | кодне тӳрлет]

4 пӳлĕмре колхоз тĕрлĕ вăхăтра мĕнле ĕçленине, хастар колхозниксем çинчен каланă.

Чапа тухнă ентешсем[тӳрлет | кодне тӳрлет]

Пиллĕкĕмĕш пӳлĕмре ялтан тухнă паллă çынсене – тава тивĕçлĕ ĕçченсене, ăсчахсене, орден илнĕ çынсене, аслă офицерсене, спортсменсене палăртнă.

Мухтав пӳлĕмĕ[тӳрлет | кодне тӳрлет]

Улттăмĕш пӳлĕмре тăван çĕршыва сыхлакансемпе çыхăннă. Тĕп вырăнта – Тăван Çĕршывăн Аслă вăрçи вăхăтĕнчи сăнукерчĕксем, салтак çырăвĕсем. Уйрăм вырăнта – салтаксен наградисем. Кунтах ытти вăрçăсенче хутшăннисене те асăннă (1 тĕнче вăрçи, граждан вăрçи). Афганистанра тата Кавказра террора хирĕç операцисенче хутшăннисене палăртнă.

Тăван Çĕршывăн Аслă вăрçин паттăрĕсем[тӳрлет | кодне тӳрлет]

Çиччĕмĕш пӳлĕмре пĕр стенана Тăван Çĕршывăн Аслă вăрçинче пуçне хунисен сăнукерчĕксем йышăнаççĕ. Вилтăпри вырăнĕсене кăтартакан карттă пур.

Вуламалли[тӳрлет | кодне тӳрлет]

Каçăсем[тӳрлет | кодне тӳрлет]