Альбер Беттанье

	Альбер Беттанье
	фр. Albert Bettannier
Çуралнă чухнехи ят	фр. Nicolas Albert Bettannier
Чӑн ят	фр. Albert Bettannier
Çуралнă вăхăт	1851 çулхи çурла, 12-мĕшĕ
Çуралнă вырăн	Мец;
Вилнĕ вăхăт	1932 çулхи чӳк, 17-мĕшĕ (81 çул)
Вилнĕ вырăн	X округ Парижа[d], Парис, Франци;
Гражданлăх	Франци;
Пăхăнулăх	Франци;
Чыславсемпе парнесем
	Медиафайлы на Викиампар

Альбер Беттанье (фр. Albert Bettannier; 1851 ҫулхи ҫурлан 12-мӗшӗ, Мец — 1932 ҫулхи чӳкӗн 17-мӗшӗ, Париж) — Франци художникӗ.

Кун-ҫулӗ

Жан Беттанье тата Мари Беллатт ывӑлӗ, Николя Альбер Беттанье 1851 ҫулта Мец хулинче ҫуралнӑ. Сӑрӑ ӳнерӗн ӗҫне хӑйӗн тӑван ҫӗршывӗнче вӗренме тытӑннӑ. Франципе Прусси вӑрҫи вӗҫленнӗ хыҫҫӑн Эльзаспа Лотаринги (Мецпа пӗрле) Германине куҫнӑран Беттанье Германи гражданӗ пулса тӑрса тӑван хулара пурӑнма юлма пултарнӑ, анчах та, патриот пулнӑ май, вӑл Франци гражданлӑхне суйласа илнӗ, 1872 ҫултах Парижа куҫнӑ.

Ентешӗсем пулӑшнипе, Беттанье Парижри илемлӗ ӳнерӗн аслӑ шкулне вӗренме кӗнӗ, Анри Леманпа Изидор Пилс патӗнче ӑс пухнӑ. Ӳнерҫӗн патриот туйӑмӗ вӑйлӑ пулнӑран вӑл хӑйӗн тӑван ҫӗрне аннексиленипе килӗшме пултарайман, Париж Салонӗнче хӑйӗн Франци Лотарингипе Эльзаса ҫухатнине сӑнлакан картинӑсене тӑтӑшах кӑтартнӑ.

1890 ҫул хыҫҫӑн Альбер Беттанье кантӑк ҫинче ӳкермелли ӑсталӑхпа тата декораципе прикладной ӳнер хайлавӗсене илемлетессипе кӑсӑкланнӑ. Анчах та шӑпах станоклӑ живописец пек 1908 ҫулта вӑл Хисеплӗ легион орденне тивӗҫнӗ.

Пӗрремӗш тӗнче вӑрҫи умӗн Германипе хутшӑнусем ҫивӗчленсен Беттанье каллех патриотла шухӑш-туйӑма вӑратакан картинӑсем ӳкернӗ. Апла пулин те Франци Эльзаспа Лотарингине тавӑрма (ку ӗҫ чӑннипе те ҫакӑн пек вӗҫленнӗ) мӗн чухлӗ ҫухату тӳсни ӑна питӗ вӑйлӑ шухӑша янӑ пулас.

Беттанье 1932 ҫулхи чӳкӗн 17-мӗшӗнче Парижра вилнӗ, ӑна Вожирар ҫӑвинче пытарнӑ.

Сӑнсен пуххи

«Картта ҫинчи хура пӑнчӑ» (Эльзас вырӑнӗнче) е «Географи урокӗ».
Шанчӑка ҫухатни е аннексия Лотаринги аннексийӗ.
Эльзаса аннексилени
Франци авиацийӗ, 1911.
«Hotel Drouot» аукцион ҫуртӗнчи аукцион.

Вуламалли

Emmanuel Bénézit (ред.): Dictionnaire critique et documentaire des peintres, sculpteurs, dessinateurs et graveurs de tous les temps et de tous les pays. Neuaufl. Grund, Paris 1999.

Ӑнлантарусем

^ Nicolas Albert Bettanier // base Léonore (фр.) — ministère de la Culture.
^ Albert Bettannier // Artists of the World Online, Allgemeines Künstlerlexikon Online, AKL Online (нем.) / Hrsg.: A. Beyer, B. Savoy — Berlin: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
^ ¹^тата² RKDartists (нидерл.)

Ку статьяна Википедин Вырӑс уйрӑмӗнчи Беттанье, Альбер статьяна чӑвашла куҫарса хатӗрленӗ.

[_59fe65e82d3f2298-1] Nicolas Albert Bettanier // base Léonore (фр.) — ministère de la Culture.

[_3d17325a59122069-2] Albert Bettannier // Artists of the World Online, Allgemeines Künstlerlexikon Online, AKL Online (нем.) / Hrsg.: A. Beyer, B. Savoy — Berlin: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL

[_789c0a45d0528ba2-3] ¹^тата² RKDartists (нидерл.)

[1]

[2]

[3]