Карлинов Илья Николаевич

	Илия протоиерей
Çуралнă чухнехи ят	Карлинов Илья Николаевич
Çуралнă вăхăт	1928, утă, 28
Çуралнă вырăн	Çăл Атăк ялĕ, Патăрьел районĕ, Чăваш АССР
Вилнĕ вăхăт	2016, çу, 5
Вилнĕ вырăн	Çĕнĕ Шупашкар, Чăваш Республики
Гражданлăх	СССР РФ

Карлинов Илья Николаевич (1928, утă, 28, Чăваш АССР, Патăрьел районĕ, Çăл Атăк ялĕ — 2016, çу, 5, Çĕнĕ Шупашкар, Чăваш Республики) — протоиерей, Турă сăмахĕ ăслăхăн кандидачĕ, Çĕнĕ Шупашкарăн хисеплĕ гражданинĕ^[1]^[2]^[3].

Кунçулĕ

1928 çулхи утă уйăхĕн 28-мĕшĕнче Патăрьел районĕнчи (Чăваш АССР) Çăл Атăк ялĕнче çĕр ĕçтеш çемьинче çуралнă.

8 çул вĕренмелли шкулта пĕлӳ илнĕ. 1949-1953 çулсенче Тинĕс-Çар флотĕнче хĕсметре тăнă.

1956 çулта диакон санне лартнă, тепĕр çултан – иерей санне йышăннă. Каярах ăна протоиерей санĕпе тивĕçтернĕ.

1957 çулта Йĕпреç районĕнчи Хурамал ялĕнче диакон пулса тăрăшнă. 1957-па – Канашри Сăваплакан Микулай чиркĕвĕн сăваплăх ĕçлевçи.

1963-па çак чиркĕвĕн тытăмçи ĕçне пурнăласа пынă, 1968-1974 çулсенчи унăн тытăмçи, çакăн хыççăн Шупашкарти Введени соборĕн штатне, Шупашкар-Чăваш епархин секретарĕ вырăнне куçарнă.

1967 çулта Мускаври чиркӳ семинаринче, 1969 çулта – Мускаври чиркӳ академинче, вĕренсе тухнă.

1975 çулта – Шупашкарти Введени кафедра соборĕн тытăмçи.

1989 çулта Илия аттене Çĕнĕ Шупашкарти кĕл тумалли киле куçарнă, çавăнта вара вăл ертсе пынипе Сăваплă Улатимĕр кнеçĕн храмне туса лартнă.

Чыславсем

III степеньлĕ Улатимĕр кнеç орденĕ
II степеньлĕ Улатимĕр кнеç орденĕ
II степеньлĕ Даниил орденĕ,
II степеньлĕ Преподобный Сергий Радонежский орденĕ.
Халăхсен туслăхĕ орден (2000)
«Чăваш Республикишĕн хастар ĕçсем тунăшăн» орден (2006)

Вуламалли

Асăрхавсем

Каçăсем

[1] В Новочебоксарске скончался отец Илья

[2] Новочебоксарцы простились с настоятелем Собора святого равноапостольного князя Владимира отцом Илией

[3] протоиерей Илия Карлинов, председатель Епархиальной комиссии по брачным вопросам, почетный настоятель собора святого равноапостольного князя Владимира г. Новочебоксарск

[1]

[2]

[3]