Пĕтреке лили
Пӗтреке лили (лат. Lílium mártagon) — нумай ҫул ҫитӗнекен илемлӗ ӳсен-тӑран. Хутӑш вӑрманта, уҫланкӑсенче, нӳрӗк тытакан сӑрт-туллӑ вырӑнта ӳсет. Пӗр метр ҫурӑ ытла ҫӳле ярӑнать. Вӑрӑм туни ҫинче кӗрен е сайра хутра шурӑ чечексем ҫитӗнеҫҫӗ. Черчен ҫеҫкисем пысӑках мар. Вӗсем ҫурма ҫаврашка евӗр. Лили илемлӗ чечекӗсемпе ҫӗртме-утӑ уйӑхӗсенче савӑнтарать. Ытларах чухне пӗччен ӳсет. Тымарӗ сухан евӗр. Ҫулсерен вӑл пысӑкланса 2 килограма ҫитеет. Чӑваш Енӗн Хӗрлӗ кӗнекине кӗрет.