Пурçăн тутăрне çыхма пĕлес пулать
| Пурçăн тутăрне çыхма пĕлес пулать | |
| Юрă | |
|---|---|
| Жанр | Хăна юрри |
| альбомĕн трек-лисчĕ | |
| - | |
Пурçăн тутăрне çыхма пĕлес пулать — XX ĕмĕр вĕçĕнче халăхра, çавăн пекех чăвашсем хушшинчи юрăçсен, пултарулăх ушкăнĕсен репертуарĕсенче анлă сарăлнă юрăсенчен пĕри. Кам ăсталани, текст тата кĕвĕ вăхăт иртнĕ майăн еплерех аталанса пыни паллă. мар. Эппин, ку хайлава фольклор палăрăмĕ темелле. XXI ĕмĕрти тăрăм пирки уçăмлăнах калама çук. Чи паллă чăваш халăх юррисенчен пĕри пулса юлать.
Юррăн сăвви
[тӳрлет | кодне тӳрлет]
Пурçăн тутăрне çыхма пĕлес пулать
1. Пурçăн тутăрне çыхма пĕлес пулать
- Çыхма пĕлес пулать анчах мар
- Çыхма пĕлес пулать, çума пĕлес пулать
- Унсăрăн тĕсне çухатан
2. Савнă мăшăрне тупма пĕлес пулать
- Тупма пĕлес пулать анчах мар
- Тупма пĕлес пулать, савма пĕлес пулать
- Унсăрăн тусна çухатан
3. Турă лашине кÿлме пĕлес пулать
- Кÿлме пĕлес пулать анчах мар
- Кÿлме пĕлес пулать, тытма пĕлес пулать
- Унсăрăн çула çухатан
4. Чĕннĕ хăнине килме пĕлес пулать
- Килме пĕлес пулать анчах мар
- Килме пĕлес пулать, кайма пĕлес пулать
- Унсăрăн чысна çухатан
Фольклор хайлавĕ пулнăран, ку сăввăн варианчĕсем те пулнă, халĕ те пур. Илсе кăтартнă текста чи анлă сарăлнă вариантсенчен пĕри тесе ăнланмалла.
Юррăн кĕвви
[тӳрлет | кодне тӳрлет]Халăх кĕвви темелле.