Салмин Антон Кириллович

Салмин Антон Кириллович - этнограф тата этнолог, тĕн тĕпчевçи, фольклорист, истори ăслăлăхĕсен докторĕ (1993). 1949-мĕш çулхи октябрĕн 20-мĕшĕнче Кивĕ Ахпÿрт ялĕнче çуралнă.

Кунçул

Патăрьел районĕнчи Кивĕ Ахпӳрт ялĕнче çуралнă. Чăваш патшалăх универститечĕн историпе филологи факультетне пĕтернĕ. 1968-1970 çулсенче сывлăш десант çарĕсенче хĕсметре тăнă. 1975-1978 çулсенче Чăваш патшалăх универститечĕн чăваш литератури кафедринче ассистент, Патшалăх кĕнеке палатинче библиограф, 1978-1983 çулсенче "Коммунизм ялавĕ" хаçатра куçаруçă пулса ĕçленĕ.

Раççей ăслăхсен академин Антропологипе этнологи институчĕн аспирантурине (1986), докторантурине (1992) пĕтернĕ.

• Кандидат дисертацин теми :Типология чувашских сказок о паттырах".
• Доктор диссертацин теми: Народная религиозно-обрядовая система чувашей"/

Чăваш патшалăх гуманитари ăслăлăхĕсен институчĕн аслă ăслăлăх ĕçченĕ 1986, 1991-мĕш çултан ертсе пыракан ăслăлăх ĕçченĕ, религоведени лабораторин пуçлăхĕ. 2004 çултан Санкт-Петербургри Петр Великий ячĕллĕ антропологипе этнографи музейĕнче ĕçлет. 50 ытла ăслăлăх ĕçĕ пичетленĕ, вăсем хушшинче 9 монографи.

Kunstkamera SPB

Тĕп ĕçĕсем

• Этнология религии и народный обряд// Этнографическое обозрение. 1994. №2.
• Народная обрядность чувашей. Чебоксары. 1994.
• Жертвенные дары у чувашей. Чебоксары. 1996.
• Семантика дома у чувашей. Чебоксары. 1998.
• Праздники и обряды чувашской деревни. Чебоксары. 2001.
• Народные обряды чувашей в фотографиях. Чебоксары. 2001.
• Колдуны и знахари. Чебоксары. 2002.
• Три чувашских божества. Чебоксары. 2003.
• Система верований чувашей / науч. ред. С.А. Арнаутов.- Чебоксары, 2004.- 208 с.

Чыслав

• За воинскую доблесть" медаль.
• Н.Я.Бичурин ячăллĕ Чăваш республикин НАНИ парни.
• Чăваш Республикин Патшалăх Канашĕн Хисеп грамоти.

Вуламалли

• Тойдыбекова Л. Марийская языческая вера и этническое самосознание // Joensuu, 1999. (Финдляндия).
• Денисов П.В., Иванов В.П. Члену-корреспонденту НАНИ ЧР А.К. Салмину - 50 лет // Изв. НАНИ ЧР.Чебоксары, 2000. №1.
• Матвеев Г.Б. Салмин Антон Кириллович // Краткая чувашская энциклопедия. Чебоксары, 2001.
• Салмин Антон Кириллович // Национальная академия наук и искусств Чувашской Республики, 2002.
• Исследователи этнографии и археологии Чувашии. Биобиблиографический словарь. Чебоксары: ЧГИГН, 2004.
• Ученые и сотрудники Чувашского государственного института гуманитарных наук (1930-2005). Чебоксары: ЧГИГН, 2005.

Çитĕнÿсем

• Пĕрремĕш хут: монографилле анализ: чăваш халăх историйĕн тĕп версийĕсем енĕпе;
• Пĕрремĕш хут: ăславла никĕслÿ: чăвашсен традицилле йăла-йĕркипе ĕненĕвĕсем енĕпе;
• Пĕрремĕш хут: монографилле тĕпчев: чăвашсен паттăрсен юмахĕсен енĕпе.
• Пĕрремĕш хут: монографи: Петербургри Ăславсен Академийĕ XVIII ĕмĕрте Вăтам Атăлçие тĕпчени енĕпе.

Критика

Санкт-Петербургра ĕçлесе пурнакан А.К.Салмин этнограф чат неосуваризм сĕмĕллĕ статьясем çырнă, кĕнеке те кăларнă.

Специалист А. К. Салмин ĕçĕсене çапла хаклать:

Ҫӑлкуҫри текст(выр.)  

Как мы показали, ни под одним из принципиальных тезисов А.К.Салмина нет достаточной фактологической базы. Поэтому даже если выводы автора когда-либо подтвердятся, они будут основаны на других источниках, на других фактах, на другой логике.

<Куçару: Эпир кăтартрăмăр ĕнтĕ, А. К. Салминăн нихăш тезисĕ айĕнче те фактологилле никĕс çук. Çавна кура, хăçан-та пулин авторăн пĕтĕмлетĕвĕсем çирĕпленес пулсан та, çакă урăх çăлкуçсем, урăх чăнлавсем, урăх логика çинче çеç пулма пултарĕ.>

Каçăсем

• Морфология истории 2009 ҫулхи Пуш уйӑхӗн 6-мӗшӗнче архивланӑ.
• Салминсен йăхĕнчи вĕрентекенсем
• Салминăн сайчĕ
• Салминăн ĕçĕсем