Мари́я Саве́льевна Скворцо́ва (4.4.1911, Турино, Тулă кĕперни, Раççей империйĕ — 1.12.2000, Мускав, РФ) — совет тата раççей киноактриса, эпизод маçтăрĕ.
Скворцова Мария Савельевна 1911 çулта акан 4-мĕшĕнче Тулă кĕпернинче, Турино ялĕнче çуралнă. Ача чухнех Мускава пиччĕшĕсем патне тухса кайнă. Çамрăк Мари лайăх юрланă, ăна чирку хорне те илнĕ. Анчах та вăл лутра пулнă. Шкулта вĕренсе тухсан, 1930 çулта Мария Савельевна тус-хĕрĕпе пĕрле Серафима Бирман патне кайнă — унта Пĕтĕм Союзри радиокомитет студине йышăннă. Кĕтмен çĕртенех чаплă актриса Скворцовăна хăйĕн патĕнче вĕренме чĕннĕ. Тăватă çул пĕлӳ хăвăрт иртсе кайнă. Пĕтĕм курсĕпе Великие Луки театрне выляма кайнă.